جيىنعا مينيسترلىككە قاراستى مەكەمەلەردە ەسەلى ەڭبەك ەتىپ جۇرگەن تەلەارنا باسشىلارى, ىرگەلى باسىلىمداردىڭ باس رەداكتورلارى, كوپكە بەلگىلى جۋرناليستەر مەن تەلەجۇرگىزۋشىلەر, ۆولونتەرلەر مەن قوعامدىق ۇيىمداردىڭ وكىلدەرى جانە دە ءار سالانىڭ كاسىبي ماماندارى قاتىستى. مينيستر ەڭبەگى جانعان نازىك جانداردى مەرەكەلىك العىس حاتتارمەن ماراپاتتاپ, اق جارما تىلەگىن ايتتى.
«قازىردە تەلەارنالار مەن گازەت-جۋرنالداردى, اقپاراتتىق اگەنتتىكتەردى باسقارىپ وتىرعان, جالپى باق سالاسىندا ءونىمدى قىزمەت ەتىپ جۇرگەن ارۋ ارىپتەستەرىمىزدىڭ سانى كوپتەپ سانالادى. سونداي-اق ەلىمىزدىڭ قوعامدىق-ساياسي ومىرىنە دە بەلسەنە اتسالىسىپ جۇرگەن قىز-كەلىنشەكتەر از ەمەس. بۇل ءوز كەزەگىندە ەلىمىزدەگى ايەلدەر قاۋىمىنىڭ قوعامداعى ءرولى ارتا تۇسكەنىنىڭ ايقىن دالەلى», دەدى ءوز سوزىندە دارحان قىدىرالى.
