ۇزاق جىلدار بويى ءداستۇرلى تۇردە وتكىزىلىپ كەلە جاتقان ايتىس دوداسىنا ءوڭىردىڭ بارلىق اۋدانىنان تالانتتى جاسوسپىرىمدەر قاتىسىپ, جۇلدەلى ورىنداردى ساراپقا سالدى. ونەر دوداسىنىڭ جەڭىمپازدارى رەسپۋبليكالىق ايتىسقا جولداما الاتىنى بەلگىلى. سودان دا بولسا كەرەك, وڭىرلىك دەڭگەيدەگى جىر الامانىنا وقۋشىلار ساقاداي ساي دايىندىقپەن كەلىپتى. ولاردىڭ ءوزارا ءسوز قاعىسۋى, ۋىتتى ازىلدەرى وقۋشىلاردان گورى ۇلكەندەر اراسىنداعى تارتىستى ەسكە ءتۇسىردى. بالكىم تالىمگەرلەرى تىڭعىلىقتى دايىنداعان دا شىعار...
تارتىستى وتكەن جىر دوداسىنىڭ جەڭىمپازدارىن انىقتاۋ بەلگىلى قالامگەرلەردەن قۇرالعان قازىلار القاسىنا وڭاي سوققان جوق. ايتسە دە, مىڭ ويلانا, ون تولعانا كەلە ولار وبلىستىق ايتىستىڭ باس جۇلدەسىن جامبىل اۋدانىنان كەلگەن الينا ايدارالىعا بەرسە, جۇلدەلى ءبىرىنشى ورىن قوردايلىق سانجار تىنىشبەككە بۇيىردى.
وڭىرلىك دودادا جەڭىمپاز اتانعان ەكى جاس ايتىسكەر ەندى رەسپۋبليكالىق دەڭگەيدە وتەتىن «جىر الىبى – جامبىلىم» اتتى وقۋشىلار ايتىسىندا ءوڭىر نامىسىن قورعايتىن بولادى.
