قىزمەت كورسەتىلەتىن اكىمشىلىك ۋچاسكەلەردە قۇقىق بۇزۋشىلىقتاردىڭ الدىن الۋ شارالارىن كۇشەيتۋ ماقساتىندا ەلوردالىق پوليتسيا دەپارتامەنتىنىڭ قىزمەتكەرلەرى بارىنشا پىسىقتاۋ جۇمىستارىن جۇرگىزىپ جاتىر. ماسەلەن, «قوعامدىق قاۋىپسىزدىك» جەدەل الدىن الۋ ءىس-شاراسىن وتكىزۋ بارىسىندا بايقوڭىر اۋدانى پب ۋچاسكەلىك پوليتسيا ينسپەكتورلارى ارمان بولعانباەۆ رۋسلان ابىلقايىروۆ اكىمشىلىك ۋچاسكەنى ارالاۋ كەزىندە اباي داڭعىلىندا كۇدىكتى ەر ادامدى بايقاعان. ول قاردىڭ اراسىنان بىردەڭە ىزدەپ ءجۇرىپ, پوليتسيا قىزمەتكەرلەرىن كورگەندە قوبالجىپ, جاسىرىنۋعا تىرىسقان.
الايدا پوليتسەيلەر قاشىپ بارا جاتقان ادامدى قۋىپ جەتىپ, قاشۋ سەبەبى مەن قۇجاتتارىن سۇراعان. 24 جاستاعى ازامات ءوزىنىڭ بەرگەن كورسەتپەلەرىن شاتاستىرا باستاعان جانە تىيىم سالىنعان زاتتاردىڭ بارىن جوققا شىعارعان. سودان كەيىن ول مەف ەسىرتكى زاتتارىن جاسىرۋمەن اينالىساتىنىن مويىنداعان جانە 30-عا جۋىق ەسىرتكى سالىنعان تۇيىنشەك بارىن ايتقان.
قازىرگى ۋاقىتتا تەكسەرۋ جۇرگىزىلىپ جاتىر. ۋچاسكەلىك ينسپەكتورلاردىڭ قىراعىلىعىنىڭ ارقاسىندا ەسىرتكى جاسىرۋمەن اينالىساتىن ادام قولعا ءتۇستى. اتالعان فاكتىگە قاتىستى قر قك-ءنىڭ 296-بابى 2-بولىگى بويىنشا سوتقا دەيىنگى تەرگەۋ جۇرگىزىلىپ جاتىر.
