ورتالىق مەملەكەتتىك ورگاندار مەن اكىمدىك باسشىلارى الماتى اگلومەراتسياسى, قوناەۆ قالاسى, G4 City ينتەگراتسيالانعان قالاسىن جانە جالپى ءوڭىردى دامىتۋ جونىندەگى شارالار تۋرالى باياندادى. تۇرعىن ءۇي, اكىمشىلىك جانە الەۋمەتتىك ماقساتتاعى وبەكتىلەردى سالۋ, اۆتوكولىك, تەمىرجول, ينجەنەرلىك جانە اگرارلىق ينفراقۇرىلىمدى جاڭعىرتۋ, جەردى اۋىل شارۋاشىلىعى اينالىمىنا تارتۋ, يندۋستريالىق ايماقتار مەن ونەركاسىپ وبەكتىلەرىنىڭ تيىمدىلىگىن ارتتىرۋ, جاڭا ينۆەستيتسيالىق جوبالاردى ىسكە اسىرۋ تۋرالى اڭگىمە قوزعالدى.
اتاپ ايتقاندا, قوناەۆ قالاسىنداعى كارىز-تازارتۋ قۇرىلىستارىن رەكونسترۋكتسيالاۋ ءمجا تەتىگى ارقىلى جۇرگىزىلەتىنى اتاپ ءوتىلدى. ماسەلەن, جەكە ارىپتەس انىقتالعاننان كەيىن كتق قۇرىلىسىنا جوبالىق-سمەتالىق قۇجاتتامانى ازىرلەۋ باستالادى.
سونىمەن قاتار كەڭەستە رەسپۋبليكالىق جانە حالىقارالىق دەڭگەيدە دە كوپتەگەن كورەرمەن تارتاتىن ءىرى مادەني-سپورتتىق ءىس-شارالاردى ۇيىمداستىرۋ جانە وتكىزۋ ماسەلەلەرى تالقىلاندى. سولاردىڭ ءبىرى – MotoGP موتوتسيكل جارىسى بويىنشا الەم چەمپيوناتى.
تالقىلاۋدى قورىتىندىلاي كەلە, ءاليحان سمايىلوۆ بارلىق قاتىسۋشى مەملەكەتتىك ورگاندار جاڭا وبلىس ورتالىعى – قوناەۆ قالاسىن, G4 City قالاسىن جانە بۇكىل ءوڭىردى دامىتۋ جونىندەگى تاپسىرمالاردى ورىنداۋعا جاۋاپكەرشىلىكپەن قاراۋ قاجەتتىگىن اتاپ ءوتتى.
ء«بىز بارلىق سۇراقتاردى تالقىلادىق. مەملەكەتتىك ورگاندار قويىلعان مىندەتتەردى تيىسىنشە پىسىقتاۋى قاجەت. وبلىس تۇرعىندارى قوناەۆ پەن ءوڭىردىڭ قارقىندى دامۋىن كۇتىپ وتىر, سوندىقتان قازىر اكىمشىلىك راسىمدەردى كەشىكتىرمەي, قاجەتتى شەشىمدەر قابىلداۋ ماڭىزدى», دەدى پرەمەر-مينيستر.
ۇكىمەت باسشىسىنىڭ ايتۋىنشا, قابىلدانىپ جاتقان شارالار وبلىستىڭ دامۋىنا ەلەۋلى سەرپىن بەرۋى ءتيىس, بۇل ءوز كەزەگىندە ءوڭىر تۇرعىندارىنىڭ ءومىر ءسۇرۋ ساپاسى مەن ءال-اۋقاتىن ارتتىرۋعا مۇمكىندىك بەرەدى.
