كەزدەسۋدىڭ شىمىلدىعىن اكادەميا رەكتورى ەرلان ءابىل اشىپ, ءىس-شارا قوناقتارى مەن قاتىسۋشىلارىنا العىس ايتتى.
جيىن بارىسىندا استانا قالاسى قوعامدىق كەڭەسىنىڭ مۇشەسى, قحا كەڭەسى مۇشەسى, قازاقستان رەسپۋبليكاسىنداعى «ۆايناح» شەشەن جانە ينگۋشتار قاۋىمداستىعىنىڭ تەڭ توراعاسى يۋسۋپ حاسانوۆيچ كەليگوۆ تاريحقا تەرەڭىنەن ءۇڭىلىپ, قازاق حالقىنا دەگەن ريزاشىلىعىن ءبىلدىردى.
«بارشاڭىزدى العىس ايتۋ كۇنىمەن قۇتتىقتايمىن. 1930 جىلدارى اشتىقتىڭ سالدارىنان جارتى حالقىنان ايىرىلعانىنا قاراماستان, قازاقستانعا ايدالعان وزگە ۇلت وكىلدەرىن باۋىرىنا باسقان قازاق حالقىنىڭ ەرەكشەلىگىن اتاپ وتكىم كەلەدى. ءبىز – دەپورتاتسيالانعان حالىقتىڭ ۇرپاعىمىز, بالالارىمىزعا قازاق حالقىنىڭ تولەرانتتىلىعى مەن مەيىرىمدىلىگىنىڭ ارقاسىندا امان قالعانىمىزدى ۇنەمى ايتىپ وتىرامىز. ولار بۇگىنگى تۇراقتىلىق پەن بەيبىتشىلىكتىڭ قادىرىن ءتۇسىنسىن دەگەن ويمەن تاريحتى ۇرپاقتان ۇرپاققا جەتكىزىپ كەلەمىز. بۇگىن – قازاقستاندا تۇراتىن 130-دان استام ۇلت وكىلىنىڭ العىس ايتاتىن كۇنى. ەلىمىزدىڭ دامۋى جولىنداعى بارلىق كەزەڭنىڭ كۋاگەرى بولىپ جاتقانىمىزعا قۋانىشتىمىز», دەدى يۋسۋپ حاسانوۆيچ.
