Euromonitor International نارىقتاردى زەرتتەۋ جونىندەگى حالىقارالىق كومپانيانىڭ الدىن الا دەرەكتەرى بويىنشا قازاقستانداعى ەلەكتروندى ساۋدا كولەمى وتكەن جىلدىڭ قورىتىندىسى بويىنشا 20,2% - عا, 1,3 ترلن تەڭگەگە دەيىن (ينتەرنەت ارقىلى كورسەتىلەتىن قىزمەتتەر ساۋداسىن ەسەپكە الماعاندا) ءوستى. بۇل وتكەن جىلمەن سالىستىرعاندا 220,1 ملرد تەڭگەگە ارتىق.
ءىرى تاۋار توپتارىن قاراستىرعان كەزدە ساناتتاردىڭ ەشقايسىسى مينۋس ديناميكاسىن كورسەتپەگەنى بايقالادى. ەلىمىزدە ونلاين ساۋدا جىل وتكەن سايىن قارقىن الىپ كەلەدى. وتكەن جىلى ونلاين ساتىلىمداردىڭ جالپى سوماسىنداعى (32,4%) ەلەۋلى ۇلەستى ءسان سەگمەنتى يەلەندى. 2022 جىلى قازاقستاندىقتار كيىم, اياق كيىم جانە ءتۇرلى اكسەسسۋارلاردى ونلاين ساتىپ الۋعا 423,9 ملرد تەڭگە جۇمساعان (پليۋس 17%). ساتىپ الۋ كولەمى بويىنشا ەكىنشى ورىندا — تۇرمىستىق تەحنيكا جانە ەلەكترونيكا, وسى ساناتتىڭ ۇلەس سالماعى 27,1% قۇرادى. جوعارى تەحنولوگيالىق تاۋارلار 11,6% وسىممەن 355 ملرد تەڭگەگە ساتىلدى.
ازىق-ت ۇلىك سەگمەنتى دە ونلاين ساتىلىمنىڭ جاقسى ديناميكاسىن كورسەتتى. ەلەكتروندى ازىق-ت ۇلىك نارىعىنىڭ كولەمى دە ءبىرشاما ءوستى: 35,4 ملرد تەڭگەدەن 45,5 ملرد تەڭگەگە دەيىن. سونداي-اق بيىل سۋسىندار مەن تەمەكىلەردى ينتەرنەت ارقىلى ەداۋىر ۇلكەن كولەمدە ساتىپ الا باستادى: 69,9 ملرد تەڭگە, 23,3% ارتقان.
بولجام بويىنشا, ەكى جىل ىشىندە ونلاين ساۋدا نارىعى قازاقستان بولشەك ساۋداسىنىڭ 15% الادى.
