«الەكا» جشس تەڭىز جاعالاۋىنان 15 قۇدىق قازىپ, ارنايى سۋ تۇشىتۋ قوندىرعىلارى كومەگىمەن رەزەرۆۋارعا جينايدى. قوندىرعى سايىن شاپاعاتوۆ اۋىلىنىڭ 4 ورامىنىڭ 13 كوشەسىندەگى قۇبىرعا قوسىلدى. سايىن اۋىلىنىڭ اكىمى قىلىش سايراننىڭ ايتۋىنشا, قازىرگى تاڭدا «الەكا» جشس 400 تەكشە مەترگە دەيىن سۋ جىبەرۋدە, الداعى ۋاقىتتا ءوز قۋاتىمەن تولىققاندى قوسىلادى دەگەن جوسپار بار.
– قازىرگى تاڭدا اۋىلىمىزدا اۋىز سۋ ماسەلەسى وزەكتى بولىپ وتىر. وسى ماسەلەنى شەشۋ ماقساتىندا «الەكا» جشس 1 مىڭ تەكشە مەتر اۋىز سۋمەن قامتاماسىز ەتەتىن قۇبىردى ىسكە قوسىپ جاتىر. اتالعان زاۋىت باستاپقى كەزەڭدە 250 تەكشە مەتر سۋ تۇشىتسا, بۇگىنگى كۇنى كۇندەلىكتى 400 تەكشە مەتر سۋ تۇشىتادى. ياعني كەزەڭ-كەزەڭىمەن كوتەرىلۋدە. قازىرگى كەزدە تاۋلىگىنە 24 ساعات بويى 4 جانە 5 ورامنىڭ تۇرعىندارىنا اۋىز سۋ بەرىلىپ وتىر. الداعى ۋاقىتتا تولىق ىسكە قوسىپ, تۇراقتى سۋمەن قامتۋ جوسپارى بار, دەيدى اۋىل اكىمى.
اۋىل تۇرعىندارى ەندى سۋ تاپشىلىعى ماسەلەسى الاڭداتپايدى دەپ سەنەدى.
ماڭعىستاۋ وبلىسى
