قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ بۇيرىعى 2014 جىلعى №7-نق

2014 جىلعى 14 قاڭتار, استانا قالاسى «ەسەپتەۋ قۇرالى ىستەن شىققان جاعدايدا ەسەپتەۋ قۇرالدارىنىڭ ورتاشا ايلىق كورسەتكىشتەرى بويىنشا ۇسىنىلىپ وتىرعان رەتتەلىپ كورسەتىلەتىن كوممۋنالدىق قىزمەتتەر (تاۋارلار, جۇمىستار) ءۇشىن اقى ءوندىرىپ الۋ ەرەجەسىن بەكىتۋ تۋرالى» قازاقستان رەسپۋبليكاسىنىڭ تابيعي مونوپوليالاردى رەتتەۋ اگەنتتىگى توراعاسىنىڭ 2005 جىلعى 27 جەلتوقسانداعى № 373-نق بۇيرىعىنا وزگەرىستەر ەنگىزۋ تۋرالى». «تابيعي مونوپوليالار جانە رەتتەلەتىن نارىقتار تۋرالى» 1998 جىلعى 9 شىلدەدەگى قازاقستان رەسپۋبليكاسىنىڭ زاڭىنىڭ 7-بابى 9-1) تارماقشاسىنا جانە 12-1-بابى 2) تارماقشاسىنا سايكەس بۇيىرامىن: 1. «ەسەپتەۋ قۇرالى ىستەن شىققان جاعدايدا ەسەپتەۋ قۇرالدارىنىڭ ورتاشا ايلىق كورسەتكىشتەرى بويىنشا ۇسىنىلىپ وتىرعان رەتتەلىپ كورسەتىلەتىن كوممۋنالدىق قىزمەتتەر (تاۋارلار, جۇمىستار) ءۇشىن اقى ءوندىرىپ الۋ ەرەجەسىن بەكىتۋ تۋرالى» قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ 2005 جىلعى 27 جەلتوقسانداعى № 373-نق بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4021 تىركەلگەن, «يۋريديچەسكايا گازەتا» گازەتىندە 2006 جىلعى 2 اقپانداعى № 17 (997) جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن ەسەپتەۋ قۇرالى ىستەن شىققان جاعدايدا ەسەپتەۋ قۇرالدارىنىڭ ورتاشا ايلىق كورسەتكىشتەرى بويىنشا ۇسىنىلىپ وتىرعان رەتتەلىپ كورسەتىلەتىن كوممۋنالدىق قىزمەتتەر (تاۋارلار, جۇمىستار) ءۇشىن اقى ءوندىرىپ الۋ ەرەجەسىندە: 2-تارماق مىناداي رەداكتسيادا جازىلسىن: «2. وسى ەرەجە ەسەپتەۋ قۇرالى ىستەن شىققان جاعدايدا ەسەپتەۋ قۇرالدارىنىڭ ورتاشا ايلىق كورسەتكىشتەرى بويىنشا ۇسىنىلىپ وتىرعان سۋمەن جابدىقتاۋ جانە (نەمەسە) سۋدى بۇرۋ شارۋاشىلىعى جانە كارىز جۇيەسىنىڭ رەتتەلىپ كورسەتىلەتىن قىزمەتتەرى ءۇشىن اقى ءوندىرىپ الۋ ءتارتىبىن ايقىندايدى.»; 3-تارماق مىناداي رەداكتسيادا جازىلسىن: «3. وسى ەرەجەدە مىناداي ۇعىم قولدانىلادى: ەسەپتەۋ قۇرالى - نورمالانعان مەترولوگيالىق سيپاتتاماسى بار, بەلگىلى ءبىر ۋاقىت ارالىعى ىشىندە فيزيكالىق شاما بىرلىگىن جاڭعىرتاتىن جانە ساقتايتىن ءارى «ولشەم بىرلىگىن قامتاماسىز ەتۋ تۋرالى» 2000 جىلعى 7 ماۋسىمداعى قازاقستان رەسپۋبليكاسىنىڭ زاڭىندا بەلگىلەنگەن تارتىپپەن كوممەرتسيالىق ەسەپكە الۋ ءۇشىن قولدانۋعا رۇقسات ەتىلگەن سۋ كولەمىن ولشەۋگە ارنالعان تەحنيكالىق قۇرال. وسى ەرەجەدە پايدالانىلاتىن وزگە دە ۇعىمدار مەن تەرميندەر تابيعي مونوپوليالار جانە رەتتەلەتىن نارىقتار تۋرالى زاڭناماعا سايكەس قولدانىلادى.». 2. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ قۇبىر جولدارى جانە سۋ كارىزى جۇيەلەرى سالاسىنداعى رەتتەۋ دەپارتامەنتى: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەۋدى; 2) بۇقارالىق اقپارات كۇرالدارىندا رەسمي جاريالانعاننان كەيىن وسى بۇيرىقتى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ ينتەرنەت-رەسۋرسىندا جاريالاۋدى قامتاماسىز ەتسىن. 3. قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ اكىمشىلىك جۇمىسى دەپارتامەنتى وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن: 1) ونى رەسمي بۇقارالىق اقپارات قۇرالدارىندا زاڭنامادا بەلگىلەنگەن تارتىپپەن جاريالاۋدى قامتاماسىز ەتسىن, كەيىن جاريالانعانى تۋرالى مالىمەتتەردى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ زاڭ دەپارتامەنتىنە ۇسىنسىن; 2) ونى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ قۇرىلىمدىق بولىمشەلەرى مەن اۋماقتىق ورگاندارىنىڭ نازارىنا جەتكىزسىن; 3) بۇيرىقتىڭ كوشىرمەسىن كۇنتىزبەلىك ون كۇننەن اسپايتىن مەرزىمدە «ادىلەت» اقپاراتتىق قۇقىقتىق جۇيەدە جاريالاۋ ءۇشىن قاعاز جانە ەلەكتروندى تاسىعىشتا جولداسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تابيعي مونوپوليالاردى رەتتەۋ اگەنتتىگى توراعاسىنىڭ ورىنباسارى ا.ءا. الپىسباەۆقا جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. توراعا م. وسپانوۆ. «كەلىسىلدى» قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى ______ ە. دوساەۆ 2014 جىلعى 20 قاڭتار بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 21 اقپانداعى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9170 بولىپ ەنگىزىلدى.