تۇركياداعى جەر سىلكىنىسىنەن زارداپ شەككەندەرگە كومەك كورسەتۋ شارالارى الەمنىڭ تۇكپىر-تۇكپىرىندە ءالى دە جالعاسىپ جاتىر. وسى جولى تاحسين مەن گۇلايشا داناجىلار كوپشىلىكتىڭ ىستىق ىقىلاسىنا بولەندى. چورۋمنىڭ الاجا اۋدانىندا تۇراتىن ولار قاراپايىم تىرشىلىك كەشىپ جۇرگەن جاندار. جولداسى شارۋاشىلىقپەن اينالىسسا, گۇلايشا حانىم ءۇي شارۋاسىنداعى ايەل. ەكەۋىنىڭ ارمانى - ۋمراعا بارۋ ەدى. ارماندارىن ورىنداۋ ءۇشىن 20 جىل بويى تىرنەكتەپ اقشا جيناعان. الايدا ءبىر ءساتى تۇسپەگەن. ەندى حالىق باسىنا تۇسكەن قيىن كەزەڭدە وسى قاراجاتتى ءزىلزالادان زارداپ شەككەندەرگە اۋدارۋعا شەشىم قابىلداعان. ءسويتىپ, اقشانى تۇرىك قىزىل اي قورىنىڭ الاجا ءبولىمىنىڭ باسشىسى فاتيح ارسلانعا تابىستادى.
«ەلىمىز بەن حالقىمىزعا سابىر بەرسىن. قازا تاپقانداردىڭ وتباسىنا كوڭىل ايتامىن, ءتىرى قالعاندارعا سابىر, ال جارالىلارعا شيپا تىلەيمىن. قيىن كۇندەردە ءبىز دە حالىققا كومەك كورسەتۋجى ءجون كوردىك. جيعان اقشامىزدى كومەك رەتىندە بەرەمىز دەپ شەشتىك», دەدى ەرلى-زايىپتىلار.
