«مامانداردىڭ باعالاۋىنشا, ەگىستىكتەرگە مينەرالدى تىڭايتقىشتار جەتكىلىكسىز ەنگىزىلگەندىكتەن, ءبىزدىڭ ديقاندار جىل سايىن 10 ميلليون تونناعا جۋىق جوعارى ساپالى بيداي ونىمىنەن ايىرىلىپ وتىر. توپىراقتىڭ دەگراداتسياسى مەن ەگىستىكتىڭ ارامشوپتەرمەن بىتەلۋى ءونىم ساپاسى مەن سانىنا كەرى اسەر ەتەدى», دەدى پرەمەر-مينيستر ۇكىمەت وتىرىسىندا.
سونىمەن قاتار ۇكىمەت باسشىسى اۋىل شارۋاشىلىعى مينيسترلىگىنە شارۋالار اراسىندا دۇرىس ءتۇسىندىرۋ جۇمىستارىن جۇرگىزۋدى تاپسىردى.
«سۋدى كوپ قاجەت ەتەتىن ەگىستىك القاپتارىن قىسقارتۋ تەتىگى جەتكىلىكتى تۇردە ازىرلەنبەگەن. شارۋالار اراسىندا ءتيىستى ءتۇسىندىرۋ جۇمىستارى جۇرگىزىلمەگەن. وسىعان بايلانىستى اۋىل شارۋاشىلىعى مينيسترلىگى مۇددەلى مەملەكەتتىك ورگاندارمەن جانە وبلىس اكىمدىكتەرىمەن بىرلەسىپ, وسى باعىتتاعى جۇمىستى كۇشەيتۋ قاجەت», دەپ تۇيىندەدى پرەمەر-مينيستر.
