2021 جىلعى جەلتوقساندا «ورتالىق ازيا ەلدەرىندەگى ايەلدەر كاسىپكەرلىگىنىڭ كۇن ءتارتىبى» اتتى WAGE وڭىرلىك باعدارلاماسى شەڭبەرىندە 30-دان استام ايەلدەر بيزنەس قاۋىمداستىقتارى مەن ازاماتتىق قوعامنىڭ ايەلدەر ۇيىمدارىن بىرىكتىرگەن قازاقستانداعى ايەلدەر كاسىپكەرلىگىن جانە گەندەرلىك تەڭدىكتى دامىتۋ جونىندەگى كواليتسيا (كواليتسيا) قۇرىلدى. اتالعان ۇيىم قازاقستانداعى ايەلدەر كاسىپكەرلىگىنىڭ كۇن ءتارتىبىن ازىرلەدى. وندا ايەلدەردىڭ ەكونوميكا سالاسىنا تارتىلۋىنا كەدەرگى كەلتىرەتىن نەگىزگى قۇقىقتىق جانە گەندەرلىك فاكتورلار كورسەتىلگەن. بۇل ماسەلەلەردى شەشۋگە ارنالعان ۇسىنىمدار ازىرلەنگەن قۇجات.
ماسەلەن, كۇن تارتىبىندەگى ۇسىنىمدار شەڭبەرىندە ۇلتتىق ەكونوميكا مينيسترلىگى (ۇەم) جانە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ء(تسدياوم) «اتامەكەن» ۇكپ-مەن بىرلەسىپ, كاسىپكەرلەر ءۇشىن EGOV پلاتفورماسىندا كاسىپكەر ايەلدەرگە ارنالعان بيزنەس تۋرالى اقپاراتپەن قامتىلعان جەكە بەتى (قوسالقى پورتالى) بار, ء«بىر تەرەزە» قاعيداتىنا نەگىزدەلگەن بىرىڭعاي پورتال قۇرۋ قاجەت.
ىشكى پورتالدى مىناداي نەگىزگى بولىمدەردەن قۇرۋعا بولادى:
- ايەلدەر كاسىپكەرلىگىن قولداۋ ساياساتى مەن باعدارلامالارى. ايەلدەر كاسىپكەرلىگى سالاسىنداعى ۇلتتىق جانە جەرگىلىكتى ساياساتتىڭ كورىنىسى.
- يننوۆاتسيالىق قارجىلاندىرۋ. كاسىپكەر ايەلدەر ءۇشىن ينتەگراتسيالانعان قارجىلىق قىزمەتتەرگە, فينتەح جانە بالامالى يننوۆاتسيالىق قارجىلاندىرۋ كوزدەرىنە قاتىستى اقپارات بەرۋ.
- كاسىپكەر ايەلدەردىڭ ءوز بيزنەسىن كەڭەيتۋ جانە دامىتۋ ءۇشىن تسيفرلىق قۇرالدار مەن تەحنولوگيالاردى پايدالانۋ داعدىلارىن نىعايتۋ.
- ايەلدەر كاسىپكەرلىگىن دامىتۋعا ىقپال ەتەتىن مۇمكىندىكتەردى ۇسىناتىن ونلاين وقىتۋ ورتالىعى.
- ونلاين تالىمگەرلىك باعدارلامالارى.
- جاڭا بيزنەس مۇمكىندىكتەرى تۋرالى حاباردارلىقتى ارتتىرۋ.
- ايەلدەر بيزنەس ۇيىمدارىنىڭ جەكە دەرەكقورىن قۇرۋ.
- ونلاين بيزنەس-كەڭەسشىلەر.
- قولداۋ قىزمەتىنە سۇراۋ سالۋ.
«بيزنەستى قولداۋدىڭ مەملەكەتتىك باعدارلامالارى تۋرالى اقپاراتتار جيناقتالعان بىرىڭعاي ونلاين بيزنەس-پلاتفورمانىڭ بولماۋى قارجى رەسۋرستارىنا قول جەتكىزۋگە كەدەرگى كەلتىرەدى. قازاقستاندا تاجىريبەدە قولدانىلاتىن ساپالى بيزنەس-وقىتۋدىڭ بولماۋى مەن گەندەرلىك كەدەرگىلەر ايەلدەرگە كاسىپكەرلىك قىزمەتپەن تولىققاندى اينالىسۋعا قولبايلاۋ بولىپ وتىر», دەپ اتاپ ءوتتى قازاقستانداعى WAGE باعدارلاماسىنىڭ ۇيلەستىرۋشىسى زارينا بەكبولات.
كواليتسيا جوعارىدا اتالعان كەدەرگىلەردى ازايتۋ جانە قازاقستان ايەلدەرىنىڭ كاسىپكەرلىك قىزمەتىن دامىتۋداعى ماقساتتارعا قول جەتكىزۋ ءۇشىن كۇش بىرىكتىردى.
