ATI.SU بيرجاسىندا قازاقستان اۋماعىندا جۇمىس ىستەيتىن مىڭعا جۋىق تاسىمالداۋشى تىركەلگەن. تەندەرگە قاتىسۋشىلاردىڭ كوپ بولعانىنا بايلانىستى تاپسىرىس بەرۋشى ءۇشىن الدەقايدا قولايلى باعا قالىپتاسادى. ال ەگەر تەندەردى تۇراقتى بىرنەشە سەرىكتەس اراسىندا عانا وتكىزسە, وندا باسەكەنىڭ تومەندىگىنە بايلانىستى قىمبات تاريفكە تاپ بولۋى مۇمكىن.
ونلاين-تەندەرگە قاتىسۋشىلارى سالىستىرۋعا مۇمكىندىك الادى. بيرجاداعى پايدالانۋشىلاردىڭ بارلىعىندا كومپانيانىڭ سيپاتتاماسى جانە رەيتينگى جازىلعان پروفيل بار. سونىمەن قاتار ءتۇرلى پارامەتر بويىنشا كونتراگەنتتەردىڭ سەنىمدىلىگىن تەكسەرەتىن قوسىمشا قۇرالدار دا قولجەتىمدى. وسىلايشا, ىڭعايلى شارت ۇسىنىپ وتىرعان مەردىگەردى وڭاي تاڭداۋعا بولادى.
ازىرلەۋشىلەردىڭ ايتۋىنشا, جاڭا سەرۆيس بىرنەشە تاسىمال ۇيىمداستىراتىن كومپانيالاردىڭ ەڭبەك شىعىنىن ۇنەمدەيدى: مىسالى, ءبىر باعىت بويىنشا ونداعان رەيس جاساۋعا تۋرا كەلگەن كەزدە. تەندەر كومەگىمەن بارلىق كولەمدى تاسىمالداۋعا بىردەن كەلىسىم جاساۋعا بولادى, ءتىپتى مەرزىمى ۇزارتىلعان بولسا دا. كەلەسى تاپسىرىس ءۇشىن جاڭا مەردىگەر ىزدەپ اۋرە بولىپ جاتپايدى. سونىمەن بىرگە بيرجا ماماندارى باسقا سايتتاردان دا تەندەرلەردى تاڭداپ بەرەدى. تاسىمالداۋشى تاسىمالداۋعا تاپسىرىس الۋ ءۇشىن بىرنەشە سايتتى قاتار قاراپ اۋرە بولمايدى. بارلىعى ءبىر جەردە جيناقتالىپ تۇرادى.
مامانداردىڭ ايتۋىنشا, قىزىقتى تاپسىرىستاردى جيناقتاۋ ۇدەرىسى اۆتوماتتاندىرىلادى. ماسەلەن, بۇكىل قولجەتىمدى تەندەرلەردى قولمەن تاڭداپ جاتۋدىڭ كەرەگى جوق. قاجەتتى باعىتتى, قۇندى, ماشينا پارامەترلەرىن ارنايى پىشىندە جولداۋعا جانە وسى پارامەترلەرگە سايكەس كەلەتىندەردى تاڭداۋعا بولادى. ىڭعايلى وتىنىمدەردى اۆتوماتتى تۇردە حابارلايتىنداي ەتىپ باپتاپ قويۋعا مۇمكىندىك قاراستىرىلعان. قولايلى تەندەرگە اۆتوماتتى تۇردە قاتىسۋ فۋنكتسياسى دا ىسكە قوسىلدى.
«تسيفرلى قۇرال كومپانيالارىنىڭ لوگيستيكانى ۇيىمداستىرۋ شارۋاسىن جەڭىلدەتۋگە جانە جۇك تاسىمالداۋداعى شىعىنداردى ازايتۋعا كومەك بەرەدى. ال تاسىمالداۋشىلار ءۇشىن اۆتوپاركتىڭ وڭتايلى جۇك كولەمى قامتاماسىز ەتىلەدى. ونلاين-تەندەر – ءىرى تاپسىرىستاردى اۆتوماتتاندىرۋداعى جاڭا مۇمكىندىك. ەگەر بۇرىن كومپانيالار ءار رەيسكە مەردىگەر ىزدەپ جۇرەتىن بولسا, قازىر ءبىر ورىنداۋشىمەن بىرنەشە تاسىمالعا قول قويۋعا بولادى. سوندا ەكى تاراپ تا ۇتادى: تاسىمالداۋشى ۇزاقمەرزىمدى كەلىسىمشارتقا يە بولادى, ال جۇك جىبەرۋشى بارلىق رەيسىندە سەنىمدى ءبىر مەردىگەرمەن جۇمىس ىستەيدى», دەيدى ATI.SU جۇك تاسىمالى بيرجاسىنىڭ قازاقستانداعى وكىلدىگىنىڭ ديرەكتورى رەناتا زوبوۆا.
