بۇل تۋرالى ۇلتتىق انتيدوپينگ ورتالىعىنىڭ رەسمي سايتى حابارلادى.
قازاقستاندىق سپورتشى 2020 جىلى توكيودا 61 كيلوعا دەيىنگى سالماقتا قولا مەدال ەنشىلەگەن ەدى. ال 2019 جىلى الەم چەمپيوناتىندا كۇمىس العان.
يگور مانسابىندا ەكىنشى رەت دوپينگ داۋىنا ىلىگىپ وتىر. بۇعان دەيىن قازاقستاندىق اۋىر اتلەت 2015 جىلى جاسوسپىرىمدەر اراسىنداعى الەم چەمپيوناتىنان كەيىن بىرنەشە ايعا جارىستاردان شەتتەتىلگەن. ول كەزدە سپورتشى تىيىم سالىنعان پرەپارات اعزاسىنا بيوقوسىمشالار ارقىلى تۇسكەنىن دالەلدەپ شىققان ەدى.
حالىقارالىق وليمپيادا كوميتەتىنىڭ (حوك) ەرەجەسىنە سايكەس, دوپينگ قولدانعان سپورتشىنىڭ وليمپياداداعى ناتيجەسى دە جويىلادى. يگوردى دە سونداي جاعداي كۇتىپ تۇر.
قازاقستاننىڭ ۇلتتىق انتيدوپينگ ورتالىعى يگور سوندى عانا ەمەس, بىرقاتار سپورتشىنى جارىستاردان شەتتەتتى. ولاردىڭ قاتارىندا اۋىر اتلەتتەردەن وزگە تاەكۆوندو مەن جەڭىل اتلەتيكا سپورتشىلارى دا بار.
