تاماقتانۋ سالاسىنداعى ءىرى بىرلەستىك بولىپ تابىلاتىن «ەۆرازيان فۋدس» وندىرىستىك حولدينگىندە ءۇش زاۋىت پەن مىڭداعان قىزمەتكەر جۇمىس ىستەيدى. كومپانيا بيۋدجەت سالىعىنا تولەمدەردى ءاردايىم ۇلعايتىپ كەلەدى. بەس جىل بۇرىن 10 ملرد تەڭگە تولەسە, بىلتىر سالىق تولەمى 20 ملرد تەڭگەگە ۇلعايعان.
– ءبىزدىڭ ماقساتىمىز – نارىقتىق ۇستانىمداردى, ءادىل باسەكەلەستىك پەن وتاندىق وندىرۋشىلەردى قولدايتىن «اق جول» پارتياسىنىڭ پارلامەنتتەگى جۇمىسى تۋرالى ايتۋ. ءبىر جاعىنان ەڭبەك ۇجىمدارىنىڭ ەسكەرتپەلەرى مەن وتىنىشتەرىن تىڭداۋدامىز, ەكونوميكالىق ماسەلەلەردەن بولەك, الەۋمەتتىك ادىلەتتىلىك, جەمقورلىققا قارسى كۇرەس, ساياسي رەفورمالار جونىندە سۇراقتار ءتۇسىپ جاتىر. بۇل ءبىز ءۇشىن وتە ماڭىزدى, سەبەبى, «اق جول» پارتياسىنا سەنىم ارتاتىن جاندارمەن ۇدايى بايلانىستا بولۋىمىز كەرەك, – دەدى ازات پەرۋاشەۆ.
پارتيا ليدەرى ساياسي باعدارلامانىڭ باسىم باعىتتارىن اتاپ, جينالعان قاۋىمنىڭ ساۋالدارىنا جاۋاپ بەردى. اسىرەسە, «اق جول» پارتياسىنىڭ ەركىن ەكونوميكاعا كوشۋ تۋرالى ۇسىنىستارىنا ەرەكشە توقتالدى.
– ەلىمىزدە تەك 5 بانكتىڭ ءوزى عانا بارلىق بانك سەكتورىنىڭ 65% باقىلاۋىندا ۇستاپ وتىر. سونىمەن قوسا, وزدەرىنە بۇكىل بيزنەس پەن بارلىق ازامات تولەم جاساسا دا, بانكتەر ققس-تان بوساتىلعان. ءبىز سارالانعان سالىق مولشەرلەمەسىن ەنگىزۋدى ۇسىنعان كەزدە بىزگە بۇنىڭ ءادىل باسەكەلەستىك ۇستانىمدارىن بۇزۋ ەكەندىگىن ايتىپ جاۋاپ بەرەتىن. كىممەن كىمدى باسەكەلەستىرمەك؟ بۇل – باسەكەلەستىك ەمەس, توناۋشىلىق. ءبىز 30-دان استام دەپۋتاتتىق ساۋال جولداپ, سونشا رەت سالىق كودەكسىنە تۇزەتۋ ەنگىزدىك. پرەزيدەنت ق.توقاەۆ وتكەن جولداۋلارىنىڭ بىرىندە عانا سارالانعان سالىق مولشەرلەمەلەرىن ەنگىزۋدى تاپسىرعان بولاتىن. ءبىز ەۋرووداقتاعىداي ازىق-ت ۇلىك وندىرۋشىلەرى مەن وزگە دە باسىم سالالار سالىقتى از, ال بانكتەر مەن شيكىزات وليگارحتارى كوبىرەك تولەۋى ءۇشىن ءارى قاراي دا كۇرەسەمىز, – دەدى ا.پەرۋاشەۆ.
بۇدان بولەك, «اق جول» ۇگىت-ناسيحات توبى الماتى ەلەكترومەحانيكالىق زاۋىتىنىڭ ۇجىمىمەن دە كەزدەستى.
