زاۋىت جۇمىسىن وتكەن جىلى باستاعان. كاسىپورىن – ساعاتىنا 25 تونناعا دەيىن قوقىستى سۇرىپتاۋعا مۇمكىندىگى بار ورتا ازياداعى العاشقى زاۋىت. كەزدەسۋ بارىسىندا جينالعاندار ەكولوگيالىق سالاعا قاتىستى كوپتەگەن ماسەلەنى, سونىڭ ىشىندە قازاقستانداعى باستى ەكولوگيالىق ماسەلەلەردىڭ ءبىرى قوقىستاردى وڭدەۋ تاقىرىبىن تالقىلادى. سونداي-اق جالاقى تۋرالى دا ماسەلە كوتەرىلدى. قىزمەتكەرلەر وزدەرىنىڭ اۋىر ەڭبەگى ءۇشىن 140-180 مىڭ تەڭگە عانا جالاقى الاتىنىن ايتتى. ازىق-ت ۇلىك, وزگە دە كۇندەلىكتى تۇرمىستا تۇتىناتىن زاتتاردىڭ باعاسى جىل سايىن اسپاندايتىنىن ەسكەرسەك, جالاقى مولشەرى جەتكىلىكسىز. «بايتاق» جاسىلدار پارتياسىنىڭ كانديداتى ۆلاديمير مارتەل بارلىعىمىز بىرلەسە وتىرىپ, قوقىستاردى بەلسەندى جيناۋ جانە ەلەكتروندى قالدىقتاردى وڭدەۋ ارقىلى بۇل ماسەلەلەردى شەشۋگە بولاتىنىن ايتتى.
شىعىس قازاقستان وبلىسى «بايتاق» جاسىلدار پارتياسى فيليالىنىڭ قوعامدىق قابىلداۋ ءبولىمىنىڭ مەڭگەرۋشىسى رىسپەك قاسەنوۆ جانە پارتيا مۇشەلەرى جەرگىلىكتى تۇرعىندارمەن كەزدەسىپ, ولاردىڭ ساۋالدارىن تىڭداپ, الداعى ءىس-قيمىل جوسپارىنا ەنگىزدى. تۇرعىندار ەكولوگيالىق پروبلەمالارمەن قاتار, الەۋمەتتىك ماسەلەلەردى دە جان-جاقتى تالقىلادى.
بۇعان دەيىن «بايتاق» جاسىلدار پارتياسىنىڭ وڭىرلىك شتابى تۇركىستان وبلىسىنىڭ سايرام جانە شىمكەنت قالالارىندا سايرام-شىمكەنت-تۇركىستان باعىتىمەن اۆتوبۋس تۋرىن باستاعانى بەلگىلى. ءىس-شاراعا تۇركىستان وبلىسى مەن شىمكەنت قالاسى شتابىنىڭ مۇشەلەرى, تۇركىستان وبلىسى مەن شىمكەنت قالاسىنان ماسليحاتقا كانديداتتار رەتىندە تىركەلگەن ازاماتتار قاتىستى.
اكتسيا ءىرى قالالار مەن وڭىرلەردىڭ ەكولوگيالىق ماسەلەلەرىنە, اۋانىڭ, سۋ قويمالارىنىڭ جانە لاندشافتتىڭ لاستانۋىنىڭ جوعارى دەڭگەيىنە نازار اۋدارۋعا باعىتتالعان. ماقساتى – تازا قورشاعان ورتانى قورعاۋعا, تابيعاتقا ۇقىپتى قاراۋعا, تازا ەنەرگيا مەن ونەركاسىپ قۇرۋعا جانە ادامداردىڭ دەنساۋلىعىن ساقتاۋعا شاقىرۋ. تۋر بارىسىندا اكتسياعا قاتىسۋشىلار جەرگىلىكتى تۇرعىنداردىڭ ۇسىنىستارى مەن شاعىمدارىن تىڭدادى.
