زاڭنىڭ نەگىزگى ماقساتى – اسكەري پوليتسيا ورگاندارىنىڭ قىزمەتىن جەتىلدىرۋ. وندا اسكەري پوليتسيا ورگاندارىنىڭ مىندەتتەرى مەن قۇزىرەتتەرىن, قۇرىلىمى مەن وكىلەتتىكتەرىن ايقىندايتىن, سونداي-اق قازىرگى كەزدە جۇزەگە اسىپ جاتقان فۋنكتسيالاردى زاڭنامالىق بەكىتۋ جونىندە وزگەرىستەر كورسەتىلگەن.
زاڭ اسكەري پوليتسيا ورگاندارى قىزمەتشىلەرىنىڭ دەنە كۇشىن, ارنايى قۇرالداردى, قارۋدى قولدانۋىن, سونداي-اق ولاردىڭ جەكە قۇرامى مەن الەۋمەتتىك قامسىزداندىرۋ ماسەلەلەرىن رەتتەيدى.
جاڭا قۇجات اسكەري پوليتسيا ورگاندارىنا قازاقستان رەسپۋبليكاسىنىڭ زاڭناماسىندا بەلگىلەنگەن قۇزىرەت شەگىندە قارۋلى كۇشتەردە, باسقا دا اسكەرلەر مەن اسكەري قۇرالىمداردا قۇقىقتىق ءتارتىپتى قامتاماسىز ەتۋ, قۇقىق بۇزۋشىلىقتاردىڭ الدىن الۋ, ەسكەرتۋ, انىقتاۋ جانە جولىن كەسۋ, سونداي-اق قاماۋعا الۋ, اكىمشىلىك قاماۋعا الۋ جانە دە اسكەري قىزمەتشىلەردى قوعامنان ۋاقىتشا وقشاۋلاۋدىڭ وزگە دە شارالارى تۇرىندەگى جازانى ورىنداۋ بويىنشا مىندەتتەردى جۇكتەيدى.
سونداي-اق سەناتتىڭ قارجى جانە بيۋدجەت كوميتەتىنىڭ دەپۋتاتتارى كەڭەيتىلگەن وتىرىستا «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى.
زاڭ جوباسىندا سوتقا جۇگىنەتىن كەزدە بورىشكەر ادام ءۇشىن 0,3 اەك مولشەرىندە مەملەكەتتىك باج مولشەرلەمەسى بەلگىلەنگەن جانە جەكە ادامنىڭ تولەم قابىلەتتىلىگىن قالپىنا كەلتىرۋ, سوتتان تىس نەمەسە سوت ارقىلى بانكروتتىق راسىمدەرىن قولدانۋ ءۇشىن سوتقا جۇگىنگەن كەزدە ءوسىمپۇلدى ەسەپتەۋدى توقتاتا تۇرۋ جانە سوتتىڭ تەرىس شەشىمى بولعان كەزدە ونى قايتا جاڭارتۋ كوزدەلىپ وتىر.
قۇجاتتا سونداي-اق كامەلەتكە تولماعاندارعا تولقۇجات بەرگەنى ءۇشىن مەملەكەتتىك باجدى 8 اەك-تەن 4 اەك-كە دەيىن تومەندەتۋ ۇسىنىلادى. زاڭ جوباسىندا سونىمەن قاتار مەملەكەتتىك ورمان قورى جەرلەرىن جانە ەرەكشە قورعالاتىن تابيعي اۋماق جەرلەرىن قوسپاعاندا, بارلىق ساناتتاعى جەردىڭ وسىمدىكتەر دۇنيەسىن پايدالانعانى ءۇشىن تولەماقى ەنگىزۋ كوزدەلەدى.
زاڭ جوبالارى پالاتانىڭ قاراۋىنا جىبەرىلدى.
