دالا جۇمىسىنا دايىندىق

– 2023 جىلى اۋىل شا­رۋاشىلىعى داقىل­دارى­نىڭ كوكتەمگى ەگىسى – 1 105,5 مىڭ گەكتار. بۇل وتكەن جىلعى دەڭگەيدەن 43,7 مىڭ گەكتارعا ارتىق. ءداندى جانە ءداندى-بۇرشاقتى داقىلدار – 957,2 مىڭ گەكتارعا, مايلى داقىلدار – 59 مىڭ گەكتارعا, جەمشوپ داقىلدارى 76,2 مىڭ گەكتارعا سەبىلەدى. اۋىل شارۋاشىلىعى قۇرى­لىم­دارىندا كارتوپ سالۋ 12 مىڭ گەكتار اۋماققا جوس­پار­­لانعان. بۇل وتكەن جىل­مەن سالىستىرعاندا 526 گەكتارعا, كوكونىس 1,7 مىڭ گەكتارعا ارتىق, دەيدى اۋىل شارۋا­شىلىعى باسقار­ما­سى­نىڭ باسشىسى اسقار ساناۋباروۆ.

باسقارما باسشىسىنىڭ ايتۋىنشا, تۇقىمعا قا­تىس­تى پروبلەما جوق. رە­پرو­دۋكتسيالى جانە ەليتالى تۇ­قىمدار سىڭىرىلەدى. مۇنىڭ سىرتىندا, مينەرالدى تى­ڭ­ايت­­­قىشتاردى دا مولىنان قول­دانۋ كوزدەلىپ وتىر. ما­مان­داردىڭ سوزىن­شە, بۇل – جەردى ۇتىمدى پاي­دالانىپ, ونىمدىلىكتى ارت­تىرۋعا اسا قاجەت قادام.

وڭىردە سۋارمالى جەردىڭ كولەمى دە ۇلعاياتىنىن اتاپ وتۋگە ءتيىسپىز. تەحنيكادان دا ماسەلە تۋىنداماۋعا ءتيىس. باس­قارما جاريا ەتكەن دەرەكتەرگە جۇگىنسەك, بۇ­گىندە ەگىس ناۋقانىنا 10 مىڭعا جۋىق تراكتور, 248 ەگىس كە­شە­نى جانە 4774 سەپ­كىش سا­قاداي ساي.

جانار-جاعارمايدان دا تاپشىلىق كورمەيتىنىن ايتادى قۇزىرلى ورىندار. وسى ماق­ساتتا ارزانداتىلعان دي­زەل­مەن قامتاماسىز ەتۋ دۇرىس جولعا قويىل­عان. كوكتەمگى ەگىس جۇمىس­تا­­رىنا فەرمەرلەر «كەڭ دالا» جەڭىلدىكتى نەسيە باع­دارلاماسى بويىنشا مەم­لەكەتتىك قولداۋدى پاي­دا­لانادى. بۇدان باسقا, بيۋد­جەتتەن سۋبسيديالار بەرۋگە, ونىڭ ىشىندە, تۇقىم شارۋاشىلىعىن دامىتۋعا, پەستيتسيدتەر مەن مينەرالدى تىڭايتقىشتار ساتىپ الۋعا قاراجات ءبولىندى.           

قاراعاندى ديقاندارى  كوك­تەمگى ەگىسكە مامىر ايىنان باس­تاپ كىرىسەمىز دەپ جوسپارلاپ وتىر.

قاراعاندى وبلىسى