روبوتتار كوپتەگەن توتەنشە جاعدايلار كەزىندە جاقسى كومەكشى بولا الادى. ويتكەنى ولار قاشىقتان باسقارىلادى. ادامداردىڭ ومىرىنە قاۋىپ توندىرەتىن ايماقتارعا بارا الادى.
Journal of Field Robotics باسىلىمىندا زەرتتەۋشىلەر ۇسىنعان روبوتتار ءورت كەزىندە قاجەتتى مالىمەتتەردى جيناپ, توتەنشە ايماقتارعا كىرۋگە جانە قاۋىپسىز جولمەن ەۆاكۋاتسيالاۋعا مۇمكىندىك بەرەتىنى تۋرالى ايتىلعان.
زەرتتەۋشىلەردىڭ ءبىرى نوەليا فەرناندەس تالاۆەرا: «بۇل جۇمىس جازاتايىم وقيعالاردىڭ جيىلىگىن جانە قۇتقارۋ جۇمىسىنىڭ ورىندالۋ ۋاقىتىن ازايتۋعا باعىتتالعان HelpResponder جوباسىنىڭ ءبىر بولىگى. ۇشقىشسىز ۇشۋ اپپاراتتارى مەن جەردەگى روبوتتار ناقتى ۋاقىت ارالىعىندا دەرەكتەردى الۋ ارقىلى تج بريگادالارىنا كومەكتەسەدى», دەدى.
يسپانياداعى ءورتتىڭ شىعۋ سەبەبىن زەرتتەيتىن ورتالىق ءورت سوندىرۋشىلەرگە كومەكتەسەتىن جاڭا تەحنولوگيالاردىڭ قاجەتتىلىگىن اتاپ ءوتتى.
تالاۆەرا مەن ونىڭ ارىپتەستەرى جاساعان روبوت جينالعان دەرەكتەردى ادامدارعا ءبولىسۋ ارقىلى اينالانى باقىلاي الادى. ولار بولمەدەگى اۋانىڭ تەمپەراتۋراسىن, ىلعالدىلىعىن جانە ساپاسىن تەكسەرىپ, ءورت شىعۋ قاۋپىنىڭ الدىن الادى. سودان كەيىن بۇل دەرەكتەر ءورت سوندىرۋشىلەر سمارتفون قوسىمشاسى ارقىلى قاشىقتان قول جەتكىزە الاتىن مالىمەتتەر بازاسىندا ساقتالادى.
