ۇشقوڭىردىڭ قىرانى

مەكەن ەتكەن ۇشقوڭىردىڭ قياسىن, كوكىرەگىنە قوتاراتىن كۇي اسىل. قىران وتىر تەكشە تاستى تۇعىر عىپ, قۇز-قياعا سالىپ الىپ ۇياسىن. ارتتا قالىپ ۇشقوڭىردىڭ كەزەڭى, تاڭنان سامعاپ كوك كۇمبەزىن كەزەدى. بۋىندىرعان بالاق باۋىن لاقتىرعان, ازاتتىقتىڭ اتار تاڭىن سەزەدى. الا بۇلت پەن قارا بۇلتتى ساپىرىپ, ەكپىنىمەن ەسكەك جەلدى جاپىرىپ, ارپالىسار اسپان استى, جەر ءۇستى, ۋاقىتتان تەڭدىك سۇراپ اقىرىپ! سونى سوقپاق ءبىر قيىردا جاتقانداي, سول سوقپاققا توتە جولدى تاپقانداي. قالىڭ كوشتى ءوزى باستاپ كەلەدى, اي استىندا اقيىق قۇس – اق ماڭداي! قارا تۇنەك قارسى الدىنان جولىققان, كەزى قايسى قىران قۇستىڭ تورىققان. سوقپاسى كوپ سوقپاق جولدىڭ ۇستىندە, تىرەس كەرەك, كۇرەس كەرەك – سونى ۇققان! ب ۇلىڭ-ب ۇلىڭ جولدار قالىپ ارتىندا, قانات قاقتى جاي وعىنداي جارقىلداپ! ۇشقوڭىرى تىلەك قوسىپ تۇردى وعان – «قىران قۇسىم, القىنبا دا تارتىنبا!» كۇننىڭ كوزىن كىم جابادى قالقالاپ, ءبىر وزىڭە كوز تىگەدى شارتاراپ. قىران سامعاپ بارا جاتىر باقىتقا, بار قازاقتىڭ اق ارمانىن ارقالاپ! تولەگەن قاجىباي. كوكشەتاۋ.