ماقالادا ەلىمىزدىڭ كوركەم تابيعاتىمەن ەرەكشەلەنەتىن ورىندار, اتاپ ايتقاندا الماتى, بۋراباي, استانا, ماڭعىستاۋ, تۇركىستان, شىعىس قازاقستان جانە ۇلىتاۋ وڭىرلەرى اتالىپ, قىزىقتى دەرەكتەر ۇسىنىلعان. اۆتورلاردىڭ ايتۋىنشا, قازاقستاننىڭ تۋريستىك الەۋەتى جىل ساناپ دامىپ كەلە جاتىر. سونداي-اق اۆتورلار: «قازاقستاندى اۋقىمى جاعىنان عالامشارداعى اسقار تاۋلاردان تۇزدى باستاۋلارعا دەيىن, ءمولدىر كولدەردەن نۋ ورماندارعا دەيىن, زاماناۋي ساۋلەتتەن ەجەلگى توبەلەرگە دەيىنگى تاڭعاجايىپ پەيزاجى بار توعىزىنشى ەل» دەپ جازادى.
«وتكەن ءبىر اپتادا عانا قازاقستان ءۇندىستاننان كەلگەن تۋريستەر ءۇشىن ەڭ ۇزدىك ترەند باعىتى رەتىندە تانىلدى. بۇعان دەيىن قازاقستان تانىمال سurly tales سايتىنىڭ نۇسقاسى بويىنشا قولجەتىمدى دەمالىس بويىنشا توپ-10 ەلدىڭ قاتارىنا كىردى. الەمدىك باسىلىمدار قازاقستانعا ەرەكشە نازار اۋدارىپ, تۋريستەردىڭ قازاقستانعا كەلۋىنە ۇسىنىس جاسايتىنى قۋانتادى. ءبىز وتاندىق جانە شەتەلدىك تۋريستەردىڭ جايلى دەمالىسى ءۇشىن جاعداي جاساپ, وسى باعىتتاعى جۇمىستى جالعاستىرامىز», دەدى ۆيتسە-مينيستر ەرجان ەركىنباەۆ.
