كەزەكتى جيىندا كوكتەمگى تاسقىننىڭ الدىن الۋ ماقساتىندا جۇرگىزىلىپ جاتقان ازىرلىك جۇمىستارى مەن تەحنيكالىق جابدىقتاردىڭ دايىندىعى تالقىلاندى.
بيىل ەلىمىزدەگى 255 ەلدى مەكەندى سۋ باسۋ قاۋپى بار. وندا 127 مىڭنان استام ءۇي مەن 700 مىڭنان استام ادام بار. توتەنشە جاعدايلار مينيسترلىگىنىڭ مالىمەتىنشە, قازاقستاندا اپاتتىق جاعدايداعى 5 جانە جوندەۋدى قاجەت ەتەتىن 73 سۋ قويماسى, قورعانىس بوگەندەرى, پلاتينا مەن توعاندار بار. ولار ىستەن شىعاتىن بولسا, حالىققا زور قاۋىپ تونەدى. الايدا, بىلتىر 2021-2023 جىلدارعا جوسپارلانعان جول كارتاسىنداعى سۋ تاسقىنىنا قارسى 68 ءىس-شارانىڭ 41-ءى ورىندالماعانى بەلگىلى بولعان.
«ەلىمىزدەگى 400-دەن استام گيدروتەحنيكالىق قۇرىلىستى جوندەۋ قاجەت. سولاي بولا تۇرا, كوممۋنالدىق جانە جەكە مەنشىكتەگى مۇنداي قۇرىلىستاردىڭ باسىم بولىگى جىلدار بويى نازاردان تىس قالىپ كەلەدى. تيىسىنشە, ولاردى جوندەۋ جانە جاڭعىرتۋ ءىس-شارالارى سۋ سالاسىن دامىتۋ جوسپارىنا ەنگىزىلمەي قالادى. وسىنداي قۇرىلىستار 30 جىلدان استام ۋاقىت پايدالانىپ كەلەدى. ولاردىڭ 70%-دان استامىنىڭ توزىعى جەتىپ تۇر. سوندىقتان ولاردىڭ بەرىكتىگى مەن قاۋىپسىزدىك دەڭگەيى ايتارلىقتاي تومەندەدى. سۋ تاسقىنىنا قارسى الدىن الۋ ءىس-شارالارىن جوسپارلاۋ, سونداي-اق ولاردى قارجىلاندىرۋ ىسىندە تۇيتكىلدى ماسەلەلەر بار», دەدى ا.پلاتونوۆ.
