باسەكەگە قابىلەتتىلىكتى ارتتىرۋ جانە كۇردەلى جوبالاردى يگەرۋگە قوسىمشا ينۆەستيتسيالار تارتۋ ءۇشىن جاعدايلار جاساۋ ماقساتىندا 2023 جىلعى 10 قاڭتاردا جاڭا تەتىك – جاقسارتىلعان مودەلدىك كەلىسىمشارتتى (جمك) ەنگىزۋدى كوزدەيتىن زاڭ قولدانىسقا ەنگىزىلدى.
بۇعان دەيىن اتاپ وتىلگەندەي, جمك بويىنشا جۇمىسقا قازاقستان رەسپۋبليكاسىنىڭ اۋماعىندا جۇمىس ىستەيتىن ءىرى الەمدىك مۇناي-گاز كومپانيالارىنىڭ, «قازاقستاندىق شەتەلدىك ينۆەستورلار كەڭەسى» قاۋىمداستىعىنىڭ جانە «KAZENERGY» مۇناي-گاز جانە ەنەرگەتيكا كەشەنى ۇيىمدارىنىڭ قازاقستاندىق قاۋىمداستىعىنىڭ وكىلدەرى تارتىلدى.
بيزنەس پەن مەملەكەتتىڭ بىرلەسكەن ديالوگى مەملەكەت پەن ينۆەستوردىڭ مۇددەلەرى اراسىنداعى تەڭگەرىمدى ءتاسىلدى ازىرلەۋگە, كۇردەلى جوبالاردىڭ ناقتى كريتەريلەرىن, سونداي-اق رەتتەۋشى جانە فيسكالدىق پرەفەرەنتسيالاردىڭ ۋاقىتشا پاكەتىن ايقىنداۋعا مۇمكىندىك بەردى.
جوعارىدا كورسەتىلگەن زاڭ شىعارۋ قىزمەتىنىڭ پراكتيكالىق ناتيجەسى 2023 جىلعى 24 قاڭتاردا ەنەرگەتيكا مينيسترلىگى مەن «قازمۇنايگاز» ۇك اق اراسىندا كاسپي تەڭىزىنىڭ قازاقستاندىق سەكتورىندا ورنالاسقان «قالامقاس تەڭىز, حازار, اۋەزوۆ» جەر قويناۋى ۋچاسكەلەرىنە جەر قويناۋىن پايدالانۋ قۇقىعىن بەرۋ بويىنشا تىكەلەي كەلىسسوز جۇرگىزۋ بولدى (كۇردەلى تەڭىز جوباسى).
كومىرسۋتەك سالاسىنداعى ۇلتتىق كومپانيانىڭ ستراتەگيالىق ارىپتەسى رەتىندە الەمدەگى ەڭ ءىرى ۆەرتيكالدى ينتەگراتسيالانعان جاريا مۇناي-گاز كومپانيالارىنىڭ ءبىرى – «لۋكويل» كومپانياسى تاڭدالدى.
2023 جىلعى 6 اقپاندا كۇردەلى جوبالار بويىنشا كومىرسۋتەكتەردى وندىرۋگە ارنالعان ۇلگىلىك كەلىسىمشارت تالاپتارىندا جاسالاتىن كومىرسۋتەك شيكىزاتىن وندىرۋگە ارنالعان العاشقى كەلىسىمشارتقا قول قويىلدى.
بۇل جوبانى ىسكە اسىرۋ 32 ملن اقش دوللارى كولەمىندە قول قويۋ بونۋسىن تولەۋدى, 6 ملرد اقش دوللارىنان استام سومادا تىكەلەي ينۆەستيتسيالار تارتۋدى جانە جوبانى ازىرلەۋدىڭ باستاپقى كەزەڭىندە شامامەن 2,0 مىڭ جاڭا جۇمىس ورنىن اشۋدى كوزدەيدى.
