قازاقستان-چەحيا ديپلوماتيالىق قاتىناسىنا ارنالعان دوڭگەلەك ۇستەل ءوتتى

ءىس-شاراعا چەح سەنات دەپۋتاتتارى، سىرتقى ىستەر مينيسترلىگى، ديپلوماتيالىق اكادەميا وكىلدەرىنىڭ، عىلىمي جانە ساراپتامالىق توپتاردىڭ، بۇقارالىق اقپارات قۇرالدارىنىڭ وكىلدەرى قاتىستى.

قازاقستان مەن چەحيادان كەلگەن ساراپشىلار مەن ديپلوماتتار، عالىمدار مەن ساياساتتانۋشىلار ديپلوماتيالىق قاتىناستاردىڭ وتىز جىلدىعىن قورىتىندىلاپ، ەلدەر الدىندا تۇرعان جاھاندىق سىن-قاتەرلەر مەن ودان ءارى دامۋ ماقساتتارىن تالقىلادى.

قازاقستاندىق ديپلوماتتار ءوز سوزدەرىندە ىنتىماقتاستىقتىڭ ءۇش ونجىلدىعىندا قارىم-قاتىناستار قارقىندى دامىپ، تىعىز جانە جەمىستى ءوزارا ءتيىمدى سەرىكتەستىككە اينالعانىن قاناعاتتانۋشىلىقپەن اتاپ ءوتتى.

«قازاقستان-چەح قاتىناستارى مەملەكەتارالىق ءوزارا ءىس-قيمىلدىڭ ساپالى جاڭا دەڭگەيىنە شىعادى»، دەدى حالىقارالىق قاتىناستار ينستيتۋتىنىڭ ديرەكتورى پەتر كراتوچۆيل.

«چەحيا مەن قازاقستان ىنتىماقتاستىعىنىڭ باسىم باعىتتارى رەتىندە ەڭ الدىمەن ەنەرگەتيكا، ماشينا جاساۋ، پايدالى قازبالاردى ءوندىرۋ، دەنساۋلىق ساقتاۋ جانە اۋىل شارۋاشىلىعى سالالارىن اتاۋعا بولادى. چەح تاراپى قازاقستاندىق وڭىرلەرمەن ىنتىماقتاستىقتى دامىتۋعا دا ۇلكەن كوڭىل بولەدى»، دەدى چەح ساۋدا پالاتاسىنىڭ باس ديرەكتورى ميلان كلەچكا.

ءىس-شارا بارىسىندا پارلامەنت سەناتىنىڭ دەپۋتاتى وندرەي بوحاچ، سەناتتىڭ سىرتقى ىستەر ءبولىمىنىڭ مەڭگەرۋشىسى حەلەنا دولەجالوۆا، پروفەسسور يرجي شيما، «پراگا بيزنەس كلۋبىنىڭ» ۆيتسە-پرەزيدەنتى، ەكونوميكا عىلىمدارىنىڭ دوكتورى ماريانا دراحوتسكا، چر مادەنيەت مينيسترلىگىنىڭ حالىقارالىق قاتىناستار دەپارتامەنتىنىڭ ديرەكتورى حەلەنا پروۆازنيكوۆا، ۇلتتىق كىتاپحانانىڭ باس ديرەكتورى مارتين كوساندا، «پراگا جاڭالىقتارى» چەح باسىلىمىنىڭ ديرەكتورى الەش فليتچەر، «چەح جاڭالىقتارى» باس رەداكتورى سۆەتوزار پلەسنيك، تالداۋ ورتالىقتارىنىڭ ساراپشىلارى جانە جۋرناليستەر باياندامالار جاسادى.