مەملەكەت 4.0 يندۋسترياسىنا اۋىساتىن كاسىپورىنداردى قولداۋعا دايىن

قازاقستاندىق كاسىپورىنداردا زاماناۋي تسيفرلىق تەحنولوگيالاردى ەنگىزۋ باسىمدىقتارىن «يندۋستريا 4.0: اۆتوماتتاندىرۋدان تسيفرلاندىرۋعا» پانەلدى سەسسياسى شەڭبەرىندە Digital Almaty V حالىقارا تسيفرلىق فورۋمىنىڭ قاتىسۋشىلارى تالقىلادى.  

ء«بىز يندۋستريا 4.0 باعىتىندا قوزعالىس بارىن كورىپ وتىرمىز. ونەركاسىپ ورىندارىنىڭ قىزىعۋشىلىعى بار، IT-تەحنولوگيالاردى، روبوتتاندىرۋدى ەنگىزۋدە قازىردىڭ وزىندە تاجىريبە بار. ۇكىمەت قابىلداپ جاتقان شەشىمدەر يندۋستريا جانە تەحنولوگيانى دامىتۋ مەن العا جىلجىتۋدا ناتيجەسىن بەرەدى دەپ ۇمىتتەنەمىز»، دەدى يندۋستريا جانە ينفراقۇرىلىمدىق دامۋ ۆيتسە-ءمينيسترى دينارا ششەگلوۆا.  

ول بىلتىر مينيسترلىكتىڭ قازاقستاندىق «QazIndustry» يندۋستريا جانە ەكسپورت ورتالىعىمەن بىرلەسىپ، ارنايى سەمينارلار مەن كاسىپورىنداردى زەرتتەۋ جۇمىستارىن ۇيىمداستىرا باستاعانىن ەسكە سالدى. سونداي-اق بىلتىر قولدانىستاعى «ونەركاسىپ تۋرالى» زاڭعا وزگەرىستەر ەنگىزىلىپ، وعان قازىر «يندۋستريا 4.0» بويىنشا نەگىزگى نورمالار قوسىلدى.  

ء«بىز سونداي-اق مەملەكەتتىك قولداۋ شارالارىن قايتا قارادىق. مەملەكەت IT ەنگىزۋ شىعىندارىن وتەيتىن بولادى. ونەركاسىپ ورنى ءوز كاسىپورنىندا IT-ينفراقۇرىلىمدى دامىتۋعا قانداي دا ءبىر شىعىنعا ۇشىراعان جاعدايدا، ءبىزدىڭ ونەركاسىپتى دامىتۋ ينستيتۋتى ارقىلى شىعىندارىنىڭ 50%-ىن وتەي الادى. بۇل جايلى ارنايى ءنورماتيۆتى-قۇقىقتىق اكتىلەر قابىلداندى»، دەپ اتاپ ءوتتى ششەگلوۆا.  

ونىڭ ايتۋىنشا، قازىر مينيسترلىك روبوتتاندىرۋدى دامىتۋ ماسەلەسىن جەكە قاراستىرىپ جاتىر.

ء«بىز روبوتتاندىرۋ تۇجىرىمداماسىن، كاسىپورىندار ءۇشىن الداعى 2-3 جىلعا ارنالعان قىسقا مەرزىمدى جوسپار جازۋدى، مەملەكەتتىك قولداۋ شارالارىن قاراستىرۋدى جوسپارلاپ وتىرمىز جانە يندۋستريالىق گرانتتار بەرۋ ماسەلەسى پىسىقتالۋ ۇستىندە»، دەپ ناقتىلادى ۆيتسە-مينيستر.