پارتيا فيليالدارىنىڭ ۇيىمداستىرۋ جۇمىسى

وتىرىسقا وبلىستاردىڭ اۋماقتىق سايلاۋ كوميسسيا­لارى­نىڭ توراعالارى (بەينەكونفە­رەنتسيا رەجىمىندە)، ساياسي پار­تيا­لاردىڭ، بۇقارالىق اقپارات قۇرال­دارىنىڭ وكىلدەرى قاتىس­تى. سونداي-اق وتىرىسقا ادى­لەت مينيسترلىگىنىڭ تىركەۋ قىز­مەتى جانە زاڭ قىزمەتتەرىن ۇيىم­داس­تىرۋ دەپارتامەنتىنىڭ ديرەكتورى الان تىلەنچيەۆ قاتىستى.

2023 جىلعى 2 اقپاندا «قازاق­ستاننىڭ «بايتاق» جاسىلدار پارتياسى» جانە «Respublica» پارتياسى» قوعامدىق بىرلەستىكتەرىن ولاردىڭ فيليالدارىنىڭ تىركە­لۋىنە بايلانىستى قازاقستان رەس­پۋبليكاسى ءماسليحاتتارىنىڭ دەپۋتاتتارىن سايلاۋعا جىبەرۋ، سونداي-اق الداعى سايلاۋدا حالىق­ارالىق بايقاۋشىلاردى اككرەديتتەۋ ماسەلەلەرى بويىنشا سپيكەرلەر ءسوز الدى.

ورتالىق سايلاۋ كوميس­سيا­سىنىڭ توراعاسى نۇرلان ءابدىروۆ ەڭ اۋەلى قاتىسۋشىلاردى جىل سايىن اقپاننىڭ ءبىرىنشى بەيسەنبىسىندە اتاپ وتىلەتىن دۇ­نيەجۇزىلىك سايلاۋ كۇنىمەن قۇت­تىقتادى. ول 2005 جىلدىڭ ەكىنشى اقپانىندا بىرقاتار ەلدىڭ مەملەكەت باسشىلارى سايلاۋ بويىنشا كوپتەگەن ماڭىزدى حا­لىق­ارالىق كەلىسىمگە قول قويعا­نىن اتاپ ءوتتى. دۇنيەجۇزىلىك ساي­لاۋ كۇ­نىن قۇرۋدىڭ ماقساتى ازامات­تار­دىڭ سايلاۋ قۇقىقتارىن قام­تا­ماسىز ەتۋ جانە سايلاۋ ۇدەرىس­تەرىن جەتىلدىرۋ بولىپ تابىلادى.

ورتالىق سايلاۋ كوميس­سيا­سىنىڭ مۇشەسى شاۆكات وتە­مىسوۆ قازاقستاننىڭ «بايتاق» جاسىل­دار پارتياسى 2023 جىل­عى 21 جانە 27 قاڭتارداعى قاۋ­لى­لارى­مەن 15 وڭىردەن ءماسلي­حات­تار دە­پۋتاتتارىن سايلاۋعا جىبە­رىل­گەنىن حابارلادى. ازىرگە پار­تيا­نىڭ اباي، اقمولا، جەتىسۋ، سول­تۇستىك قازاقستان جانە ۇلى­تاۋ وبلىستارىندا عانا فيليالى جوق.

ال «Respublica» پارتيا­سى 2023 جىلعى 21 جانە 27 قاڭ­تار­­­داعى قاۋلىلارىمەن 19 وڭىر­­­دەن ءماسليحاتتار دەپۋتات­تارىن سايلاۋعا جىبەرىلدى. وسى­لاي­شا، بۇرىن قابىلدانعان قاۋلى­لاردى ەسكەرە وتىرىپ، قازاقستاننىڭ «بايتاق» جاسىلدار پارتياسى مەن «Respublica» پارتياسى رەسپۋبليكانىڭ بار­لىق وڭىرلەرىندە پارتيالىق تىزىم­­دەر بويىنشا سايلاناتىن ءماس­ليحاتتار دەپۋتاتتارىن سايلاۋعا قاتىسۋعا جىبەرىلدى.

وتىرىستىڭ ەكىنشى ماسەلەسى 2023 جىلعى 19 ناۋرىزعا تاعاي­ىند­العان پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنا شەت مەملەكەتتىڭ جانە حالىقارالىق ۇيىمداردىڭ بايقاۋشىلارىن اككرەديتتەۋ تۋرالى بولدى. نۇرلان ءابدىروۆ بيىل 20 قاڭتاردا سايلاۋ ناۋقانى شەڭبەرىندەگى ءبىرىنشى وتىرىستا ورتالىق سايلاۋ كوميسسياسى سايلاۋدى حالىقارالىق بايقاۋ ينستيتۋتىن اشقانىن اتاپ ءوتتى. بۇگىندە ءبىر شەت مەملەكەتتەن جانە ەكى حالىقارالىق ۇيىمنان اككرەديتتەۋگە ۇسىنىستار تۇسكەن.

ورتالىق سايلاۋ كوميس­سيا­­سىنىڭ حاتشىسى مۇحتار ەرمان سىرتقى ىستەر مينيسترلىگى ساي­لاۋدى بايقاۋعا قاتىسۋ ءۇشىن حالىقارالىق جانە پارلا­مەن­تارالىق ۇيىمدارعا، سونداي-اق قازاقستانداعى ديپلوماتيالىق كورپۋسقا شاقىرۋلار جىبەرگەنىن حابارلادى. سونىمەن قاتار ور­تالىق سايلاۋ كوميسسياسى 34 شەت مەملەكەتتىڭ ورتالىق سايلاۋ ورگاندارىنىڭ اتىنا شاقىرۋلار جىبەرگەن. بۇگىندە ورتالىق سايلاۋ كوميسسياسىنا اككرەديتتەۋگە ءبىر شەت مەملەكەتتەن جانە ەكى حالىقارالىق ۇيىمنان 25 بايقاۋشى، ونىڭ ىشىندە پالەستينادان 1 بايقاۋشى، تمد-عا قاتىسۋشى مەملەكەتتەردىڭ پار­لا­مەنتارالىق اسسامبلەياسىنان 11 بايقاۋشى جانە ەقىۇ-نىڭ دە­مو­كراتيالىق ينستيتۋتتار مەن ادام قۇقىقتارى جونىندەگى مي­س­سيا­سىنان 13 بايقاۋشى ۇسى­نىلدى.

وتىرىس قورىتىندىسى بو­يىنشا ورتالىق سايلاۋ كوميس­سياسىنىڭ مۇشەلەرى «2023 جىلعى 19 ناۋرىزعا تاعايىندالعان قازاقستان رەسپۋبليكاسى پار­لامەنتى ءماجىلىسى دەپۋتات­تارىنىڭ كەزەكتەن تىس سايلاۋىن­دا شەت مەملەكەتتىڭ جانە حالىق­ارالىق ۇيىمداردىڭ بايقاۋ­شىلارىن اككرەديتتەۋ تۋرالى» قاۋلى قابىلدادى. سونداي-اق مۇحتار ەرمان اككرەديتتەۋگە ۇسىنىستاردىڭ كەلىپ تۇسۋىنە قاراي بايقاۋشىلار جونىندەگى دەرەكتەر جاڭارتىلىپ وتىراتىنىن اتاپ ءوتتى.