بيىل الاش ارداقتىلارى شاكارىم قۇدايبەردى ۇلى مەن ءماشhۇر ءجۇسىپ كوپەي ۇلىنىڭ تۋعانىنا 165 جانە ماعجان جۇماباي ۇلى مەن سۇلتانماحمۇت تورايعىروۆتىڭ ومىرگە كەلگەنىنە 130 جىل تولىپ وتىر. وسىعان وراي پارتيا تاريحي-تانىمدىق ءىس-شارا ۇيىمداستىرىپ, وعان تانىمال عالىمدار, تاريحشىلار, قالامگەرلەر جانە جاستار قاۋىمى قاتىستى.
ء«تول تاريحىنان الىستاعان ادام ءوز تامىرىنان اجىرايدى. سوندىقتان وسكەلەڭ ۇرپاق ءۇشىن بۇل ءىس-شارانىڭ ايرىقشا ءمانى مەن ماڭىزى بار. ءبىز بۇگىن ەل تاريحىندا ەرەكشە ورىن الاتىن الىپ تۇلعالاردىڭ ونەگەلى ءومىرى مەن ەسەلى ەڭبەك جولىن ەسكە الىپ وتىرمىز. ولاردىڭ ەسىمى ءار وتانداسىمىزدىڭ جادىندا جاڭعىرىپ تۇرۋعا ءتيىس», دەدى تاريح عىلىمدارىنىڭ دوكتورى, پروفەسسور جامبىل ارتىقباەۆ.
ال بەلگىلى اقىن, قازاقستان جازۋشىلار وداعى استانا قالالىق فيليالىنىڭ توراعاسى داۋلەتكەرەي كاپ ۇلى بۇل اسا ماڭىزدى باستاما ەكەنىن جەتكىزىپ, ۇيىمداستىرۋشىلارعا العىسىن ءبىلدىردى.
«ۇلت قايراتكەرلەرىن ۇلىقتاۋ, وتكەندى ۇمىتپاۋ تەك پارتياعا ارتىلعان جۇك نەمەسە بورىش ەمەس. كەيىنگى ۇرپاقتىڭ, كەلەشەك جاستاردىڭ كوڭىل كوكجيەگىن كەڭەيتەتىن وسىنداي كەلەلى ءىس-شارالار ءجيى ۇيىمداستىرىلىپ, تاريحي-تانىمدىق اڭگىمەلەر ۇدايى ايتىلىپ وتىرۋعا ءتيىس. جاس بۋىن ۇلتىمىزدىڭ ادەبيەتىن, مادەنيەتىن ورگە سۇيرەگەن زاڭعار تۇلعالاردىڭ شىعارماشىلىعىنان ءنار الىپ, ءومىرىن ۇلگى ەتە ءبىلۋى قاجەت. ەڭ باستىسى, ولاردىڭ سونى تۋىندىلارىن مەرەيلى جىلىندا عانا ەمەس, ءاردايىم ىزدەپ ءجۇرىپ وقۋ كەرەك», دەدى داۋلەتكەرەي كاپ ۇلى.
ءوز كەزەگىندە, «Amanat»-تىڭ ساياسي جۇمىس دەپارتامەنتى ديرەكتورىنىڭ ورىنباسارى ەركەبۇلان جاۋلىباەۆ بۇل باستاما تارلان تاريحىمىزدى, تۇعىرلى تۇلعالارىمىزدى, مادەنيەتىمىز بەن رۋحانياتىمىزدى ناسيحاتتاۋ باعىتىندا پارتيا قولعا العان العاشقى ءىس-شارا ەمەس ەكەنىن اتاپ ءوتتى.
پارتيانىڭ ساياسي تۇعىرناماسىندا تاريحىمىزدى دارىپتەۋ, رۋحانياتىمىزدى جاڭعىرتۋ باعىتىنداعى باستامالارعا ۇنەمى قولداۋ كورسەتىلەتىنى, الاش ارىستارىنىڭ ۇلى مۇراتى ۇنەمى ۇلگى-ونەگە بولاتىنى انىق جازىلعان. سونىڭ ءبىر دالەلى رەتىندە, بىلتىر پارتيا وتانداستارىمىزدىڭ جان ازىعىنا اينالعان «بابالار اماناتى», «التىن دومبىرا», «تاۋەلسىز ەلىم – تىرەگىم» رەسپۋبليكالىق اقىندار ايتىسىن, جاس قالامگەرلەردى قولداۋ ماقساتىندا ۇلت ۇستازى احمەت بايتۇرسىن ۇلىنىڭ 150 جىلدىعىنا جانە جازۋشى مۇحتار اۋەزوۆتىڭ 125 جىلدىعىنا ارنالعان « ۇلى دالا» رەسپۋبليكالىق شىعارماشىلىق بايقاۋىن وتكىزدى. وسى باعىتتاعى جۇمىس الداعى ۋاقىتتا دا جالعاسادى», دەدى ەركەبۇلان جاۋلىباەۆ.
سونداي-اق ءىس-شارا بارىسىندا اقىن, «مادەنيەت پورتالى» جسش-نىڭ قۇرىلتايشىسى باۋىرجان قاراعىز, اقىن, «وتان ساقشىسى» گازەتىنىڭ رەداكتورى راۋان قابدولدا جىردان شاشۋ شاشىپ, ورتاعا ورامدى وي تاستادى.
«مەكتەبىڭىز قازاقتىڭ جانىنا جاقىن بولعان كەزدە عانا ءبىز بولاشاق ءۇشىن ايانباي سەرتتەسە الامىز» دەيدى ماعجان جۇماباي ۇلى. ياعني قازاقتىڭ جانىنا جاقىن مەكتەپ قالىپتاستىرۋ – الاش ارىستارىنىڭ اماناتى. ءبىز وسى جولدا جۇمىس ىستەپ جاتىرمىز. ءتىپتى بۇل باعىتتاعى مەكتەپىشىلىك بىرقاتار ماڭىزدى جوبامىز دا بار. شاكىرتتەرىمىز بۇگىنگى ءىس-شارادا ەسىمى ەرەكشە ايتىلىپ وتىرعان تۇلعالاردىڭ سوزىنەن ونەگە, ءتالىم-تاربيە الىپ كەلەدى», دەپ تۇيىندەدى اتالعان ءبىلىم وشاعىنىڭ ديرەكتورى اياتجان احمەتجان ۇلى.
الداعى كۇندەرى ءدارىس اباي قۇنانباي ۇلى اتىنداعى №87 مەكتەپ-گيمنازياسىندا جانە ءاليحان بوكەيحان اتىنداعى №76 مەكتەپ-ليتسەيىندە جالعاسادى.
