سۇرانىسقا ساي مامان دايارلاۋ قاجەت

وقۋ-اعارتۋ ءبىرىنشى ۆيتسە-ءمي­نيسترى شولپان كارينوۆانىڭ ايتۋىن­شا، بيىل تەحنيكالىق با­عىت­­تا ءبىلىم الاتىن ستۋدەنتتەر كوپ.

– بيىلعى وقۋ جىلىندا جاڭا تاپسىرىس 125 مىڭ ورىندى قۇرادى. الدا ءالى رەسپۋبليكالىق بيۋدجەت­تەن وسى باعىتقا جۇمسالاتىن مەم­لەكەتتىك تاپسىرىس 50 مىڭعا ارتادى. وسىلايشا، وقۋعا قابىلدا­نا­تىن ستۋدەنتتەر سانى 130 مىڭعا جەتەدى. وزەكتى ماسەلەلەردىڭ ءبىرى الەۋمەتتىك وسال توپتاعى وتباسىلاردان شىققان بالالاردى وقۋعا تارتۋ بولىپ وتىر. بۇگىندە كوللەدجدەردە وسى ساناتتاعى بالالار 9 باعىت بويىنشا قامتىلعان. بيىلعى مەملەكەتتىك تاپسىرىستىڭ 60%-عا جۋىعىن وسى ساناتتاعى بالالار قۇرايدى. 2025 جىلعا دەيىن كاسىپتىك-تەحنيكالىق ءبىلىم مەكەمەلەرىندە تەحنيكالىق ءبىلىم بەرۋدى دامىتامىز. 2023 جىلى تەحنيكالىق باعىتتا وقىپ جاتقان ستۋدەنتتەردىڭ سانى ارتتى. اتاپ ايتار بولساق، مەتاللۋرگيا، IT، قۇرىلىس، ينجەنەريا، قىزمەت كور­سەتۋ سالالارىنا باسىمدىق بە­­رىلىپ وتىر. قازىردە 61 مىڭ ستۋدەنت تەحنيكالىق ماماندىقتار بو­يىن­شا ءبىلىم الىپ جاتىر، – دەدى ول.

پرەزيدەنت تاپسىرماسى شەڭبە­رىندە وقۋ-اعارتۋ مينيسترلىگى وبلىس اكىمدىكتەرىمەن بىرلەسىپ، كادر­لاردى كاسىپورىنداردىڭ تاپسىرىسى بويىنشا ماقساتتى دايارلاۋعا كوشكەن. بۇل ءۇشىن كاسىپورىن كوللەدجبەن ماقساتتى دايىندىق تۋرا­لى شارت جاسايدى. وسىدان سوڭ كاسىپورىن باسشىلىعى ستۋدەنتتى تاعىلىمدامادان وتكىزۋمەن قوسا كەيىن جۇمىسقا ورنالاستىرۋ مىن­دە­تىن دە قۇزىرەتىنە الادى. ارينە، وسىن­داي جاڭاشىلدىقتان سوڭ ءبىلىم بەرۋ باعدارلامالارى جۇمىس بەرۋ­شى­نىڭ تالاپتارىنا ساي جاڭار­تى­لاتىنى دا ۇتىمدى شەشىم بولعان. تاعى ءبىر ماسەلەگە توقتالساق، كول­­لەدج­دەرگە اكادەميالىق دەر­بەس­­تىك بەرىلدى. قازىر ەلدەگى كوللەدجدەر وقۋ باعدارلاماسىن، ستۋ­دەنت­تەردى وقىتۋ مەرزىمىن انىقتاپ، جۇمىس بەرۋشىلەردىڭ تالابى بو­يىنشا مامان دايارلاۋعا كوڭىل ءبولدى. پرەزيدەنت تاپسىر­ماسى بويىنشا ءىرى بيزنەس وكىل­دەرى كوللەدجدەرگە قامقور بولۋى قاجەت. تارقاتىپ ايتساق، قا­زىر­دىڭ وزىندە 410 مەملەكەتتىك كول­لەدجدى 498 كاسىپورىن قام­قور­­­­لىققا الىپ، ۇيىسىپ جۇمىس ىستەپ جاتىر. كاسىپورىن وكىلدەرى تىزىمدەگى كول­لەدجدەردىڭ قامقور­شى­­لىق كە­ڭەستەرىنە كىرەدى. مى­سالى، بۇ­­گىندە كاسىپورىندار كول­لەدج­­دەردى جاراقتاندىرۋعا، ستۋدەنت­تەردى تا­عىلىمدامادان وتكى­­زۋ­گە كوڭىل بولە باستاپتى. دە­مەك كاسىپ­ورىن ستۋ­دەنت­تىڭ پراكتي­كادان، تا­عى­لىم­دا­مادان ءوتۋىن ۇيىم­­داس­تىرۋدى جانە ودان ءارى جۇ­مىس­قا ورنا­لاس­تىرۋ­دى ءوز قۇزى­رىنا الادى.

– بۇگىندە كاسىپورىندار بازاسىندا وسى تاعىلىمدامادان 300 مىڭنان اسا ستۋدەنت ءوتتى. سونداي-اق 5 مىڭعا جۋىق پەداگوگ كاسىپورىن بازاسىندا تاعىلىمدامادان ءوتىپ، جۇمىستارىن جالعاستىرىپ كەلەدى. اكادەميالىق دەربەستىكتە وڭىرگە قاجەتتى كادر دايارلاۋدىڭ تاعى ءبىر باسىم بولىگى دۋالدى وقىتۋعا قا­تىستى. بۇگىندە 558 كوللەدجدە دۋالدى وقىتۋ ەنگىزىلىپ، 72 مىڭ ستۋدەنت قامتىلدى. ماقساتتى مەم­لە­كەتتىك تاپسىرىس شەڭبەرىندە ءبى­لىم بەرۋ باعدارلامالارى جۇ­مىس بەرۋشىنىڭ تالاپتارىنا ساي جاڭارتىلادى، دۋالدى وقىتۋ ۇيىم­­داستىرىلادى، ستۋدەنتتەر وقۋ ۇدە­­رىسىندە كاسىپورىندا پراكتي­كا­دان وتە الادى. بۇل تاپسىرىس بەرۋ­­شىنىڭ دە، ورىنداۋشىنىڭ دا ورتاق جاۋاپكەرشىلىگىن ارتتى­را­دى. بۇل رەتتە تۇلەكتەردى 100% جۇ­­مىسقا ورنالاستىرۋعا با­سىم­دىق بەرىلەدى. بيىلعى وقۋ جىلىندا كاسىپورىنداردىڭ تاپسى­رى­سى بويىنشا 10 مىڭنان اسا ستۋدەنت وقىپ جاتىر جانە الداعى جىلى كادرلاردى نىسانالى دايار­لاۋ­عا مەملەكەتتىك تاپسىرىس قالىپ­تاس­تى­رۋدى جوسپارلاپ وتىرمىز، – دەپ تۇيىندەدى ش.كارينوۆا.