قوسىمشا ءبىلىم بەرەتىن ۇيىمدار تەحنيكالىق, جاراتىلىستانۋ, تۋريستىك-ولكەتانۋ, دەنە شىنىقتىرۋ-ساۋىقتىرۋ, الەۋمەتتىك-گۋمانيتارلىق جانە كوركەمدىك باعىت بويىنشا بالالاردى شىڭدايدى. وقۋشى قاي ۇيىرمەگە باراتىنىن ءوزى شەشەدى. باستىسى, بوس ۋاقىتىن پايدالى ىسكە ارناسا بولدى. قازىر بالالارعا قوسىمشا ءبىلىم بەرەتىن مەكەمەلەر كوپتەپ اشىلعانىمەن, جىلدان-جىلعا وقۋشىلاردىڭ سانى دا ارتىپ جاتقانىن ەلەپ-ەسكەرۋ قاجەت. وڭىرلەردە قوسىمشا ءبىلىم بەرۋ ۇيىمدارىن اشۋ باعىتىنداعى سول ءۇشىن دە ۇزىلگەن جوق.
ناق قازىر ەلوردادا 11 قوسىمشا ءبىلىم بەرەتىن ۇيىم بار بولسا, ونىڭ 158 فيليالى مەن 10 community ورتالىعى اشىق. بۇعان قوسا ۇيىرمەلەرگە قاتىنايتىن بالالاردىڭ ۇلەسىن ارتتىرۋ ماقساتىندا «Bilim park» قوسىمشا ءبىلىم بەرۋ ورتالىعى, «اrt is Forever» بەينەلەۋ ونەرى مۇراجايى, «Muz alem» №2 بالالار مۋزىكا مەكتەبىنىڭ فيليالى, «Saz اlemi» №3 بالالار مۋزىكا مەكتەبىنىڭ فيليالى, «Asyl mura» №1 ونەر مەكتەبىنىڭ فيليالى جۇمىس ىستەيدى. ول از دەسەڭىز, 2021 جىلى قىركۇيەكتە «تەمىرجولشىلار» كەنتىندە مىڭنان اسا بالانى قامتيتىن ءال-فارابي اتىنداعى وقۋشىلار سارايىنىڭ جانە «كوكتال» تۇرعىن ءۇي الابىندا 600 بالانى قامتيتىن م.وتەمىسوۆ اتىنداعى وقۋشىلار سارايىنىڭ فيليالدارى اشىلعان. وقۋشىلاردىڭ شىعارماشىلىعىن شىڭداۋ ماقساتىندا قالا اكىمدىگىنىڭ ءبىلىم باسقارماسى شاحمات فەدەراتسياسىمەن بىرلەسىپ, قالانىڭ بارلىق مەكتەبىندە شاحمات ۇيىرمەسىن اشۋعا ىقپالداسقان. تاعى دا ءبىر جاڭاشىلدىققا توقتالساق, ءار مەكتەپتە دومبىرا سىنىبىن اشىپ, وقۋشىلار اراسىندا دومبىرا وركەسترلەرىن قۇرۋ جايى دا پىسىقتالىپ جاتقان كورىنەدى. ەندى وسى وزگەرىس وقۋشىلاردى بالا جاستان ەل تاريحىن, ادەت-عۇرپى مەن داستۇرلەرىن سىيلاپ-قۇرمەتتەۋگە ۇيرەتەدى دەگەنگە ءۇمىت باسىم.
قازىر استانا قالاسىنداعى مەكتەپتەردە 152 546 وقۋشى (76,8%) قوسىمشا بىلىممەن قامتىلعان. ولار ۇزىن-سانى 2 370 ۇيىرمەگە قاتىنايدى. ال مەكتەپتەن تىس ۇيىمداردا جانە جالپى ءبىلىم بەرەتىن مەكتەپتەردە 763 سپورت سەكتسياسىنا 88 555 (44,5%) وقۋشى قاتىسادى ەكەن.
