باعدارلامانىڭ كريتەريلەرى تۋرالى ايتىلىپ, قالا تۇرعىندارىنىڭ داۋىس بەرۋ كەزەڭىنە جىبەرىلەتىن جوبانى قالاي جاساۋ كەرەكتىگى تۋرالى كەڭەستەرىمەن ءبولىستى.
«بۇگىن اباتتاندىرۋ باعدارلاماسى بويىنشا دارىسكە قاتىستىق. ءدارىس بارىسىندا ەرەجەلەر تولىق ءتۇسىندىرىلدى. بۇرىن ءبارى ويدان شىعارىلعان سياقتى كورىنەتىن, ەندى كوپ نارسە تۇسىنىكتى بولدى. كورشىلەرمەن بىرگە ءوز جوبامىزعا قاتىسۋدى جانە ازىرلەۋدى جوسپارلاپ وتىرمىز. ءبىز جەڭىسكە جەتەمىز دەپ ۇمىتتەنەمىز», دەدى ەلوردانىڭ انار ەسىمدى تۇرعىنى.
سارىارقا اۋدانى اكىمى اپپاراتىنىڭ قولداۋىمەن ءدارىس تەگىن ۇيىمداستىرىلدى.
ەستەرىڭىزگە سالا كەتەيىك, قالانىڭ ءۇش اۋدانىندا – سارىارقا, ەسىل جانە بايقوڭىر – تۇرعىنداردىڭ «حالىق قاتىساتىن بيۋدجەت» جوباسىنا وتىنىمدەرىن قابىلداۋ ءجۇرىپ جاتىر. قالا تۇرعىندارى اۋلالارىن كۇردەلى جوندەۋ, گۇلزارلار, ساياباقتار, قوعامدىق كەڭىستىكتەر سالۋ, اۋداندى كوگالداندىرۋ جانە ت.ب. تۋرالى جوسپارلارىن ۇسىنا الادى. قاتىسۋشىلار ناقتى وزگەرىستەردى جانە جوبا ءۇشىن قاجەتتى سومانى كورسەتە وتىرىپ, اباتتاندىرۋ جوسپارىن ازىرلەۋى كەرەك. دايىن جوسپاردى قالا تۇرعىندارى اۋدان اكىمدىكتەرىنىڭ رەسمي سايتىنا جۇكتەيدى.
