ينۆەستيتسيالىق تابىس

2022 جىلى حالىق­ارا­لىق ينستي­تۋ­تسيونالدىق ينۆەس­تور­لاردىڭ كوبى، ونىڭ ىشىندە زەي­نەت­اقى قورلارى اك­تيۆتەردى باس­قارۋدىڭ تەرىس ناتي­جەلەرىنە ۇرىنىپ، الەمدەگى جاعىم­سىز ماك­رو­ەكونو­ميكالىق احۋال سالدارى­نان اي­تارلىقتاي شىعىن­عا ۇشىرادى. ال ۇلتتىق بانك نو­مينالدى ماندە زەينەتاقى اكتيۆ­تەرى­نىڭ وڭ كىرىستىلىگىن كورسەتتى.

بۇعان دەيىن سان مارتە ايتىل­عان­داي، زەينەتاقى اكتيۆتەرى ۇزاقمەرزىمدى ينۆەستيتسيالىق سيپات­قا يە. سايكەسىنشە، ين­ۆەس­تيتسيا­لاۋ­دىڭ نەگىزگى ماقسات­تارىنىڭ ءبىرى – زەينەتاقى جيناقتارىنىڭ ساقتالۋى جانە ۇزاقمەرزىمدى كەزەڭدە ناقتى تابىس الۋ. سوندىقتان كىرىستىلىك پەن ينفلياتسيا كورسەتكىشتەرىن ۇزاق مەرزىمدە قاراستىرعان ءجون.

ۇزاقمەرزىمدى پەرسپەكتيۆادا زەينەتاقى جيناقتارىنىڭ وڭ سيپاتتاعى ناقتى (جيناقتالعان ينفلياتسيادان اساتىن) تابىستى­لىعى قامتاماسىز ەتىلەدى. جيناق­تاۋشى زەينەتاقى جۇيە­سىنىڭ نەگىزى قالانعان 1998 جىلدان باستاپ 2023 جىلعى 1 قاڭتارعا دەيىنگى ينۆەستيتسيالىق كىرىستىلىك وسپەلى قورىتىندىمەن بىرگە وسى كەزەڭدەگى ينفلياتسيا 678،06 پايىز بولعان كەزدە 732،29 پايىزدى كورسەتتى.

ۇلتتىق بانكتىڭ بارلىق زەي­نەتاقى اكتيۆتەرىن بجزق-دا شوعىرلاندىرۋ اياقتالعان 2014 جىلدان بەرى قامتاماسىز ەتكەن تابىسى 6،9 ترلن تەڭگەنى قۇرادى.

ەلدەگى ينفلياتسيا دەڭگەيىن ەسكەرە وتىرىپ، زەينەتاقى جارنا­لارىنىڭ مىندەتتى تۇرلەرى­نىڭ ساقتالۋىنا بىرەگەي كەپىل­دىك­تىڭ قولدانىلاتىنىن ەسكە سالا كەتەيىك. جەكەلەگەن كەزەڭ­دەگى كىرىستىلىكتىڭ تومەندەۋى سالىم­شىنىڭ تولەم قۇقىعى باستالعان كەزدە جيناقتالعان كىرىستىلىگىنە اسەر ەتسە دە، ايىرماشىلىقتى مەم­لە­كەت وتەيدى. زەينەتاقى اكتيۆ­تەرىن ينۆەستيتسيالىق باسقارۋ مەن ەسەپكە الۋدىڭ بۇكىل جۇيەسى اشىق ەكەنىن ۇمىتپايىق. ءاربىر سالىمشى enpf.kz سايتىنداعى جەكە كابينەت نەمەسە ءموبيلدى قوسىمشا ارقىلى ءوزىنىڭ ينۆەستيتسيالىق تابىسىن تەكسەرە الادى.