جارتىلاي فينالدا رىباكينا بەلارۋس وكىلى ۆيكتوريا ازارەنكومەن كەزدەستى.
ءبىرىنشى پارتيادا تەننيسشىلەر تارتىستى ويىن وتكىزدى. ءبىر ساعاتقا سوزىلعان شايقاستا ەلەنا رىباكينا باسىمدىق تانىتىپ, العاشقى سەتتە 7:6 (7:4) ەسەبىمەن وزىق بولدى. ايتا كەتسەك, قازاقستان وكىلىنىڭ قارسىلاسى, ياعني ۆيكتوريا ازارەنكو - قازىرگى اۆستراليا چەمپيوناتىنىڭ ەڭ ۇزدىك قاتىسۋشىلارىنىڭ ءبىرى. ول 2012 جانە 2013 جىلدارى چەمپيون اتاعىن يەلەنگەن ەدى.
ەكىنشى سەتتىڭ باسىندا قازاقستاننىڭ ءبىرىنشى راكەتكاسى برەيك جاساپ, 2:1 ەسەبىمەن العا شىقتى. ەلەنا بۇل ارتىقشىلىقتى ماتچتىڭ سوڭىنا دەيىن جەتكىزىپ, ەكى سەتتە 7:6, 6:3 ەسەبىمەن جەڭىسكە جەتتى. وسىلايشا, ەلەنا رىباكينا مانسابىندا العاش رەت AusOpen-2023 فينالىنا شىقتى.
ەندى شەشۋشى ماتچتا ەلەنا پولشا وكىلى ماگدا لينەتت پەن بەلارۋس تەننيسشىسى ارينا سوبولەنكو اراسىنداعى جەكپە-جەكتىڭ جەڭىمپازىمەن ايقاساتىن بولادى.
