بىزدە كىتاپ سىيلاۋ, گازەتكە جازىلۋ ۇردىسكە اينالۋعا ءتيىس. سول كەزدە ەشقانداي ماسەلە – باسپاسوزگە جازىلىمعا مەملەكەت كومەكتەسۋى كەرەك, ماجبۇرلەۋ دەگەن ماسەلە تۋىندامايدى. وقىرماننىڭ سۇرانىسىن قاناعاتتاندىراتىن ماقالالار بولۋى كەرەك. ايماقتىق, رەسپۋبليكالىق باسىلىمدار ەلدەگى وتكىر ماسەلەلەردى كوتەرىپ, سونىڭ شەشۋ جولدارىن ۇسىنا ءبىلۋى قاجەت.
تاعى ءبىر ماسەلە – جۋرناليستەر ءوز اراسىندا ىقپالى مەن مارتەبەسىن كوتەرۋگە مۇددەلى ەمەس. قازىر «ماسس-مەديا تۋرالى» زاڭ جوباسىن ءجيى سىنايمىز, بىراق جوبانى جەتىلدىرۋگە جۋرناليستەردىڭ وزدەرى ۇلەس قوسىپ جاتقان جوق. جوبا اشىق تالقىلاۋعا شىعارىلدى. بىراق شىنتۋايتىنا كەلگەندە زاڭ جوباسىنىڭ ماتىنىمەن تولىق تانىسىپ شىققان جۋرناليستەر ساناۋلى. سىناۋعا بارمىز, بىراق ۇسىنىس ءبىلدىرىپ, كەم-كەتىگىن جوندەۋگە دەگەن قۇلشىنىس جوق.
جالپى جۋرناليستيكادا بۇل سالاعا قيانات جاسامايتىندار, ماماندىعىنا ادالدار ءجۇرۋى كەرەك. گازەت, سايت اشىپ الىپ, ونى «ينفوكيللەر» سياقتى «تاپانشاعا» اينالدىرۋعا, جەكە باسقا پايدالانۋعا بولمايدى. وسىنىڭ كەسىرىنەن جۋرناليستيكانىڭ ىقپالى السىرەپ, ءجۋرناليستىڭ مارتەبەسى تومەندەدى.
ءنازيا جويامەرگەنقىزى,
تۇركىتىلدەس جۋرناليستەر قورىنىڭ پرەزيدەنتى
