قازىر شارۋانىڭ اۋلاسىندا, قوي-ەشكىمەن بىرگە جۇرگەن جانۋار قولدان جەمشوپ جەپ, سۋ ىشۋگە جاتىرقاماعان. ادامنان ۇرىكپەيدى. سوعان قاراعاندا بۇعان دەيىن دە ارنايى قورىقتا, ادامداردىڭ باعۋىندا بولعانداي كورىنەدى.
«جابايى جانۋار اۋىلعا كەلدى» دەگەن اقپاراتتى ەستىپ, وقيعا ورنىنا «بوكەيوردا» مەملەكەتتىك تابيعي رەزەرۆاتى باقىلاۋ باسقارماسى باسشىسىنىڭ ورىنباسارى بيسەباي تولەپوۆ, تەرەڭكول اۋىلدىق وكرۋگىنىڭ جەتەكشى مال دارىگەرى بەكبولات اياپوۆ ارنايى باردى. مال دارىگەرى جانۋاردىڭ بۇعى تۇقىمداس ءتۇز تاعىسى ەكەنىن, قىزعىلت-قوڭىر تەرىسىندە تەڭبىل داقتارى بار ەكەنىن, ءمۇيىزى قالىپتى جەتىلگەنىن, شامامەن ءبىر جاستا ەكەنىن, سىرتقى كەلبەتىندە جاراقات بەلگىلەرى جوقتىعىن, ەن-تاڭباسىز ەكەنىن انىقتاپ, قۇجات تولتىرعان.
– ءبىزدىڭ بولجاۋىمىزشا, بۇل جانۋار رەسەي اۋماعىنان كەلگەن. ويتكەنى مۇنداي اڭ ءبىزدىڭ وڭىردە كەزدەسپەيدى. ءبىز شارۋاشىلىق يەسىمەن شارت جاساپ, ءتۇز تاعىسىن ۋاقىتشا باعۋ تۋرالى كەلىسىپ جاتىرمىز. ول ءۇشىن قاجەتتى جەمشوبىن جەتكىزىپ بەرەمىز. الداعى ۋاقىتتا عالىمدار كەلىپ, جانۋاردى زەرتتەپ, ناقتى قاي تۇرگە جاتاتىنىن انىقتايدى. ونىڭ بولاشاق تاعدىرى سول كەزدە شەشىلەدى, – دەيدى ب.تولەپوۆ.
قايرات جاقىپ
باتىس قازاقستان وبلىسى
