سەسسيا جۇمىسىنان كەيىن وي ءبولىستى

كەشە  «Rixos President Astana» قوناقۇيىندە ەكسپو-2017 كوميسسارى – سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىباەۆ پەن «استانا ەكسپو-2017» ۇك» اق باسقارما توراعاسى تالعات ەرمەگياەۆتىڭ حالىقارالىق كورمەلەر بيۋروسى (حكب) باس اسسامبلەياسىنىڭ 155-سەسسياسىنىڭ قورى­تىن­دىسى بويىنشا بىرلەسكەن ءباسپاسوز ءماسليحاتى بولىپ ءوتتى. ءباسپاسوز ءماسليحاتىندا ءسوز العان «ەكسپو-2017» كوميس­سارى – سىرتقى ىستەر مينيس­ترىنىڭ ءبىرىنشى ورىنباسا­رى ءراپىل جوشىباەۆ شەتەل­دىك قاتىسۋشىلارمەن كەلىسسوز­دەر باستالعانىن جانە ينۆەستيتسيا­لىق ارىپتەستىكتەر ورناتىلىپ جات­قانىن جەتكىزدى. «كورمە وتكىزۋ­دىڭ حالىقارالىق تالاپتا­رى بويىنشا, تۋدى المايىنشا ەكسپو كورمەسىنىڭ كەشەندەرىن سالۋعا ءبىزدىڭ قۇقىمىز جوق بولاتىن. بىراق كليماتتىق جاعدايلاردى ەسكەرە كەلە, حكب بىزگە ءساۋىر ايىنان-اق قۇرىلىستى باستاي بەرۋگە كەلىسىم بەردى», – دەدى «استانا ەكسپو-2017» ۇك» اق باسقارما توراعاسى تالعات ەرمەگياەۆ بريفينگتە. ول سونداي-اق, كورمەگە داي­ىندىق جۇمىستارىنىڭ كەس­تە مەرزىمىنەن ەشبىر كەشىكپەي ءجۇ­ر­گى­زىلىپ كەلە جاتقاندىعىن, قۇ­رى­لىس قارقىنىنىڭ كۇننەن-كۇنگە ارتۋ ۇستىندە ەكەنىن تىلگە تيەك ەتتى. بۇعان دەيىن حابارلا­عا­نى­مىزداي, فرانتسيا استاناسى پاريج قالاسىندا ماۋسىمنىڭ 11-ءى كۇنى حالىقارالىق كورمەلەر بيۋ­روسى باس اسسامبلەياسىنىڭ 155-ءى سەسسياسى ءوتىپ, وندا قازاق­ستان حكب تۋىن قابىلداپ ال­عان بولاتىن. 12 ماۋسىم كۇنى ۇلت­تىق كومپانيا باسشىسى ت.ەر­مەگياەۆ بۋرابايداعى شەتەلدىك ين­ۆەس­تورلار كەڭەسى وتىرىسى اياسىن­دا ەلباسى نۇرسۇلتان نازار­باەۆقا بايراقتى سالتاناتتى جاعدايدا تابىس ەتتى. ايتا كەتەيىك, حالىقارالىق كورمەلەر بيۋروسى (حكب) 1931 جىلى كورمەلەردى ۇيىمداستىرۋ مەن وتكىزۋ جۇمىستارىن رەتتەۋ ماقساتىندا قۇرىلعان. ونىڭ شتاب-پاتەرى پاريج قالاسىندا ورنالاسقان. قازىرگى تاڭدا الەمنىڭ 168 مەملەكەتى كورمەلەر بيۋروسىنا مۇشە بولىپ تابىلادى. استانا ەكسپو-2017 حالىق­ارالىق مامانداندىرىلعان كورمەسى 3 ايعا – 2017 جىلعى 10 ماۋ­سىمنان 10 قىركۇيەككە دەيىن سو­زىل­ماق. كورمەگە 100-دەن اسا مەم­لەكەت, 10-نان اسا حالىق­ارالىق بەدەلدى ۇيىمدار مەن يننوۆاتسيالىق تەحنولوگيالار سالاسىنداعى كوشباسشى كومپانيالار قاتىسادى دەپ كۇتىلۋدە. ءباسپاسوز ءماسليحاتى بارىسىندا بريفينگ وتكىزۋشىلەر جۋرناليستەردىڭ سۇراقتارىنا جان-جاقتى جاۋاپ بەردى. «ەگەمەن-اقپارات».