شىعىس قازاقستان وبلىسىندا سانيتارلىق تىكۇشاق ەكى ادامنىڭ ءومىرىن ساقتاپ قالدى

وسكەمەن. 13 ماۋسىم. شىعىس قازاقستان وبلىسىندا ۇزدىكسىز دارىگەرلىك كومەك كورسەتۋ جۇيەسى دامىپ كەلەدى. ماسەلەن, ناۋقاستاردى تاسىمالداۋعا ارنالعان تىكۇشاقتىڭ پايدالانۋعا بەرىلۋى وڭىردەگى مەديتسينالىق قىزمەتتىڭ جاندانا تۇسكەنىن كورسەتەدى. بۇل تۋرالى egemen.kz ءتىلشىسى حابارلادى. 11 ماۋسىمدا سەمەي قالاسىندا وتكەن مەديتسينا قىزمەتكەرلەرىنىڭ كۇنىندە پايدالانۋعا بەرىلگەن سانيتارلىق اۆياتسيا قىزمەتى العاشقى كۇننەن-اق قىزۋ جۇمىسقا كىرىسىپ كەتتى. شىعىسقازاقستاندىق اق حالاتتىلارعا ارنالعان MD 600 تىكۇشاعى «سالاماتتى قازاقستان» باعدارلاماسى بويىنشا رەسپۋبليكالىق سانيتارلىق اۆياتسيا ورتالىعىنان بولىنگەن بولاتىن. سەمەي قالاسى سانيتارلىق اۆياتسياسىنىڭ مەڭگەرۋشىسى ناجيا پرونينانىڭ ايتۋىنشا, اتالعان تىكۇشاق ارنايى مەديتسينالىق جابدىقتارمەن قامتاماسىز ەتىلگەن. جەكە تىكۇشاقتىڭ بەرىلۋى سەمەي قالاسىنان شالعاي ورنالاسقان اۋداندارداعى تۇرعىندارعا جەدەل كومەك كورسەتۋدى جاقسارتۋعا سەپتىگىن تيگىزەتىن بولادى. تىكۇشاق بەرىلگەن كۇننىڭ كەشىندە 2 ناۋقاس جەدەل ورتالىق اۋرۋحاناعا جەتكىزىلىپتى. ونىڭ ءبىرى تولعاعى ۋاقىتىنان بۇرىن جەتكەن اياعى اۋىر كەلىنشەك بولسا, ەكىنشىسى گەمورراگيالىق ينسۋلت العان جاس جىگىت ەكەن. اباي اۋدانىنىڭ 28 جاستاعى تۇرعىنىنىڭ ءومىرىن ساقتاپ قالۋعا وسىلايشا جاڭادان قولدانىسقا بەرىلگەن تىكۇشاق سەپتىگىن تيگىزدى. «ەگەر ناۋقاستى دەر ۋاقىتىندا اۋرۋحاناعا جەتكىزبەگەندە, ينسۋلت ولىممەن اياقتالۋشى ەدى», – دەيدى تىكۇشاق بورتىنداعى دارىگەرلەر. ايتا كەتەيىك, اتالعان تىكۇشاقتىڭ ءبىر ۇشۋىنىڭ ءوزى مەملەكەت قازىناسىنا 1 ميلليون تەڭگەگە تۇسەدى. ارينە, ادام ءومىرى تارازى باسىنا تارتىلعاندا, اتالعان شىعىن ءوزىن-ءوزى تولىق وتەيتىنىن جوققا شىعارا المايمىز. دۋمان اناش. دەرەككوز: Egemen.kz. فوتو: «قازاقپارات».