20 قاڭتاردا جوسپارلانعان ارنايى وپەراتسيا بارىسىندا كوكشەتاۋ قالاسى پب جانە اقمولا وبلىسى پد ەسىرتكى قىلمىسىنا قارسى ءىس-قيمىل بولىمشەسىنىڭ قىزمەتكەرلەرى ەسىرتكى زاتتارىن زاڭسىز وتكىزۋمەن اينالىسقان ەلوردانىڭ 49 جاستاعى تۇرعىنىن ۇستادى.
«اقمولا وبلىسىنىڭ اۋماعىنا ەسىرتكىنىڭ نەگىزگى جەتكىزۋشىسى, استانا قالاسىنىڭ تۇرعىنى انىقتالدى. ول 2022 جىلدىڭ جەلتوقسانىندا شارتتى ساتىپ الۋ كەزىندە 15 گرامنان استام گاشيش ساتقان. اتالعان دەرەككە سايكەس قر قك-ءنىڭ 297-بابىنىڭ 1-بولىگى بويىنشا سوتقا دەيىنگى ءىس جۇرگىزۋ باستالدى», دەدى پد ەققىقب باستىعى ۆيتالي گۋدىمەنكو.
تەرگەۋ اياسىندا جابىرلەنۋشىنىڭ تۇراقتى جۇمىس ورنى بولماعاندىقتان, زاڭسىز ەسىرتكى بيزنەسىن ۇيىمداستىرىپ, كوكشەتاۋ قالاسىنىڭ اۋماعىنا گاشيش ەسىرتكى قۇرالىن جەتكىزۋ ارناسىن جولعا قويعانى انىقتالدى. ۇستالعان ادام جاتاقحانانىڭ جالعا العان بولمەسىن ءتىنتۋ بارىسىندا گاشيشتىڭ ەكى وراماسى, جالپى سالماعى 8 كەلى 359 گرامنان اساتىن گاشيشكە ۇقساس زات تاركىلەنگەن.
