پرەزيدەنت قاسىم-جومارت توقاەۆتىڭ 15-17 قاڭتاردا ءباا-گە جاساعان ساپارىنىڭ قورىتىندىسى بويىنشا اۆياتسيا بيلىگى ەكى ەل اراسىنداعى رەيستەر سانىن ارتتىرۋعا كەلىستى.
«اۋە تاسىمالىنىڭ قولجەتىمدىلىگىن قامتاماسىز ەتۋ جانە اۋە بيلەتتەرىنىڭ قۇنىن تومەندەتۋ ماقساتىندا 22 قاڭتاردان باستاپ Wizz Air Abu Dhabi لوۋكوستەر اۋەكومپانياسى ابۋ-دابي مەن الماتى قالالارى اراسىنداعى رەيستەردىڭ سانىن 3-تەن 4 رەيسكە دەيىن ارتتىردى. رەيستەر «Airbus A320/A321» سياقتى اۋە كەمەلەرىمەن ورىندالادى», دەپ حابارلادى كوميتەتتىڭ ءباسپاسوز قىزمەتىنەن.
سونداي-اق Fly Dubai كومپانياسىنىڭ حابارلاۋىنشا, 26 قاڭتاردان باستاپ دۋباي – استانا باعىتى بويىنشا رەيستەر سانىن اپتاسىنا 10-نان 14 رەيسكە دەيىن ۇلعايتۋ جوسپاردا بار. 28 قاڭتاردان باستاپ دۋباي – الماتى باعىتى بويىنشا اپتاسىنا 10-نان 14 رەيسكە دەيىن; 28 اقپاننان باستاپ Fly Dubai شىمكەنت-دۋباي باعىتى بويىنشا اپتاسىنا 2 رەيس جيىلىگىمەن (سارسەنبى, سەنبى) رەيستەردى قالپىنا كەلتىرۋدى جوسپارلاپ وتىر. ۇشۋلار B-737 ۇشاقتارىمەن ورىندالادى.
ايتا كەتەيىك, 2023 جىلدىڭ 17 قاڭتارىندا قازاقستان مەن ءباا «اشىق اسپان» رەجيمىن ۇزارتتى.
