جۇلدىزدار جارىعى

استانا كۇنى قارساڭىندا ەلوردادا وتاندىق كاسىبي ءان جوباسى – «استانا جۇلدىزى» بايقاۋى وسىمەن ەكىنشى مارتە وتكەلى وتىر. قالا اكىم­دىگىنىڭ باستاماسىمەن دۇنيەگە كەلگەن ۇلتتىق مۋزىكا بايگەسىن ۇيىم­داستىرۋدا «اdam Media Group» كومپانيا­سى­نىڭ اتقارار ءرولى وراسان زور. جاقىندا بەيبىتشىلىك جانە كەلىسىم سارايىندا وتكەن ءباسپاسوز ءماسليحا­تىندا مادەنيەت پەن ونەر وكىلدەرى ۇلتتىق مۋزىكا سايىسى تۋرالى ءوز ويلا­رىمەن بولىسكەن ەدى. ايتا كەتۋ كەرەك, «استانا جۇل­دىزى» جوباسى العاش رەت استا­نا كۇنىنىڭ 15 جىلدىعىنا وراي ۇيىمداستىرىلعان بولاتىن. كاسىبي مۋزىكانتتار اراسىن­دا كەڭ قولداۋعا يە بولعان باسەكەلى بايگەنىڭ ۇلتتىق ءان ونەرىن دامى­تۋداعى ءرولىن ەلەپ-ەكشەگەن ۇيىم­داستىرۋشىلار سايىستى جىل سايىن وتكىزۋگە شەشىم قابىلداپ وتىر. جوبانىڭ ەڭ باستى ەرەكشەلىگى – جۇلدەگەرلەردى تاڭداۋ كەزىندەگى كاسىبي شەبەرلىكتىڭ مىقتى بولۋى. باسەكەلى بايگەدە باقتارىن سىنايتىن 350 ۇمىتكەردىڭ شەبەرلىگىنە 100 بىلىكتى ساراپشى-مامان لايىقتى باعاسىن بەرەدى دەپ كۇتىلۋدە. ولاردىڭ اراسىندا ەلىمىزگە ەڭبەگى سىڭگەن ارتىستەر, پروديۋسەرلەر, كومپوزيتورلار, اقىندار, ءان مەن ءسان ءوندىرىسىنىڭ ماماندارى, سونداي-اق باق وكىلدەرى بار. قازىرگى تاڭدا داۋىس بەرۋدىڭ وسى جۇيەسى حالىقارالىق كولەمدە پايدالانىلىپ كەلە جاتقاندىقتان, «استانا جۇلدىزى» ءان بايقاۋى الەمدەگى ەڭ تانىمال مۋزىكالىق بايگە ەرە­جەسىنە ساي جۇرگىزىلەدى دەپ ەسەپتەلۋدە. ءان الەمىندەگى بەدەلدى ءارى شوۋ-بيزنەستەگى ەڭ جارقىن جوباعا اينالعان باسەكە نەگىزىنەن ەكى كەزەڭنەن تۇرادى. ءبىرىنشى كەزەڭدە كاسىبي ماماندار 11 اتالىم بويىنشا ءۇش ۇمىتكەردى ىرىكتەيدى. ال 3 شىلدە كۇنى جەڭىمپازدار رەسمي تۇردە ماراپاتتالادى. بۇل كۇنى جانكۇيەرلەردىڭ قولداۋىنا لايىقتى وتاندىق ەڭ ۇزدىك تانىمال جاندار مەن ونەر ادامدارى قىزىل كىلەم ۇستىمەن ءجۇرىپ وتەدى. وتكەن جىلعى «استانا جۇل­دىزى» بايگەسىنىڭ ءۇش اتالىمى بويىنشا لاۋرەات اتانعان «مۋزارت» توبىنىڭ ءانشىسى مەيرامبەك بەسباەۆ بىزبەن اڭگىمەسىندە: «ونەر ادامدارى ءۇشىن بۇل بايقاۋدىڭ الاتىن ورنى ەرەكشە. بۇل ءبىزدى شابىتتاندىرۋ ءۇشىن كورسەتىلگەن ۇلكەن قولداۋ. بىلتىر ءتورت جۇلدىزدى بايگەنى قانجىعامىزعا بايلاساق, بيىل دا باسەكەدە باعىمىزدى سىنايتىن بولامىز», – دەي كەلىپ, قاتىسۋشىلارعا ساتتىلىك تىلەدى. ال استانا قالاسى اكىمدىگى مادەنيەت باسقارماسىنىڭ باسشىسى بولات ماجاعۇلوۆ, ۇزدىكتەردى ماراپاتتايتىن الەمدىك دەڭگەيدەگى «گرەممي», «World Music Awards», «بريت ەۋوردس» سەكىلدى بەلگىلى كاسىبي بايقاۋلار مەن سىيلىقتار ىزىمەن قازاقستاندا دۇنيەگە كەلگەن «استانا جۇلدىزى» بايقاۋىنىڭ بۇيىرتسا, سونداي ءىرى دودالار جولىمەن ۇلكەن تابىستارعا جەتە بەرەتىنىن تىلگە تيەك ەتتى. باق وكىلدەرى ەكىنشى «استانا جۇلدىزى» بايگەسىنىڭ اشىلۋىن ءوز كوزدەرىمەن تاماشالاپ, زاڭعار اسپاننان سىيعا تارتىلعان جۇلدىزدىڭ قۇجاتتارىمەن ەگجەي-تەگجەيلى تانىسۋ مۇمكىندىگىنە يە بولدى. سولتۇستىك جارتى شارداعى ارىستان شوقجۇلدىزى توبىنان «استانا جۇلدىزىن» ايقىن كورۋ مۇمكىن ەدى. تاعى ءبىر عاجابى, «عارىش-جەر» حالىقارالىق كىتاپشاسىندا تىركەلگەن 14-ءشى كولەمدەگى جۇلدىزدى تەلەسكوپپەن كورۋگە بولادى. ەسكە سالا كەتەيىك, وتكەن جىلعى «استانا جۇلدىزىندا» قازاقستاننىڭ تانىمال ارتىستەرى روزا رىمباەۆا, مارجان اراپباەۆا, سونداي-اق «مۋزارت», « ۇلىتاۋ», «Musicola», «KeshYou» توپتارى مەن جاستاردان ءالي وقاپوۆ, اعايىندى زادارنوۆسكيلەر ونەر كورسەتكەن بولاتىن. ال بيىلعى جارىستا استانا كوگىندە كىمنىڭ ايى وڭىنان تۋىپ, جۇلدىزى جار­قى­راعالى تۇر؟ جۇلدىزدار تەك اسپاندا عانا ەمەس, جەردە دە تۋادى... ماقپال تورەبەك. سۋرەتتەردى تۇسىرگەن ەرلان وماروۆ.