ەرجان بالتاەۆ 1983 جىلى دۇنيەگە كەلگەن. ءبىلىمى جوعارى, قازاقستان-بريتان تەحنيكالىق ۋنيۆەرسيتەتىن, قازاق گۋمانيتارلىق زاڭ ۋنيۆەرسيتەتىن, ۇلىبريتانيانىڭ ابەردين ۋنيۆەرسيتەتىن قۇقىقتانۋ, بيزنەستى باسقارۋ ماماندىقتارى بويىنشا بىتىرگەن.
ەڭبەك جولىن 2004 جىلى استانا قالاسىنداعى جىلجىمايتىن م ۇلىك ورتالىعىنىڭ مامانى بولىپ باستاعان.
ءار جىلدارى «CAPS Distribution» كومپانياسىندا زاڭگەر بولىپ جۇمىس ىستەدى; زاڭگەر, TAIB Kazakh Bank دەپارتامەنتىنىڭ ديرەكتورى; ۇلتتىق مەنەدجەر, بۇۇ دامۋ باعدارلاماسىنىڭ باعدارلامالار ۇيلەستىرۋشىسى; «ورال» الەۋمەتتىك-كاسىپكەرلىك كورپوراتسياسىنىڭ باسقارما توراعاسى; قازاقستان رەسپۋبليكاسى ادىلەت مينيسترلىگى دەپارتامەنتىنىڭ باسشىسى; KPO B.V. كومپانياسىنىڭ جوبا مەنەدجەرى; «TENDEU» حالىقارالىق اربيتراج اگەنتتىگىنىڭ ديرەكتورى; «Astana Invest» قالالىق ينۆەستيتسيالىق دامۋ ورتالىعىنىڭ باسقارما توراعاسى بولىپ قىزمەت اتقارعان.
2021 جىلدان باستاپ استانا قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى قىزمەتىن اتقاردى.
بالتاەۆ ەرجان تالعات ۇلى كاسىپكەرلىك جانە يندۋستريالىق-يننوۆاتسيالىق دامۋ, قۇرىلىس, قارجى, جولاۋشىلار كولىگى جانە اۆتوموبيل جولدارى, مەملەكەتتىك ساۋلەت-قۇرىلىس باقىلاۋى, ەنەرگەتيكا جانە تۇرعىن ءۇي-كوممۋنالدىق شارۋاشىلىق ماسەلەلەرىنە جەتەكشىلىك ەتەتىن بولادى.
