وسى سەكتورداعى ەڭ ۇلكەن ءوسىم بايقالعان بەستىكتىڭ كوشىن اتىراۋ وبلىسى باستاپ تۇر. وندا باعا بىردەن 60,4 پايىزعا وسكەن. تۇركىستان وبلىسىندا - 28,2 پايىزعا, قاراعاندى وبلىسىندا - 21,9 پايىزعا, شقو-دا - 19,9 پايىزعا, پاۆلوداردا - 19 پايىزعا قىمباتتاعان. ەڭ تومەنگى ءوسىم - 5,3 پايىز الماتى وبلىسىندا تىركەلگەن.
مەكتەپكە دەيىنگى جانە باستاۋىش ءبىلىم بەرۋ تۇرلەرىنىڭ قىزمەتتەرى - 11,1 پايىزعا, ورتا ءبىلىم – 9,6 پايىزعا, كاسىپتىك ورتا ءبىلىم – 20,2 پايىزعا, ەرەسەكتەرگە ارنالعان ءبىلىم – 15,9 پايىزعا قىمباتتادى.
وتكەن جىلمەن سالىستىرعاندا 2022 جىلدىڭ ءۇشىنشى توقسانىندا ءبىلىم بەرۋ سالاسىنداعى قىزمەت كولەمى 949,8 ملرد تەڭگەگە ياعني 17,4 پايىزعا وسكەن. ءبىلىم بەرۋ سالاسىنداعى قىزمەتتەردىڭ باسىم بولىگى بيۋدجەت ەسەبىنەن كورسەتىلگەن (836, 6 ملرد تەڭگە). حالىق ەسەبىنەن 90,4 ملرد تەڭگەنى قۇراسا, كاسىپورىندار ەسەبىنەن 22,9 ملرد تەڭگەنى قۇراعان. ءبىلىم بەرۋ تۇرلەرى بويىنشا قىزمەتتەردىڭ ەڭ كوپ كولەمى بازالىق جانە جالپى ورتا بىلىمگە تيەسىلى (444,9 ملرد تەڭگە جانە جىلىنا 12,5 پايىز). مەكتەپكە دەيىنگى ءبىلىم بەرۋ جانە كاسىپتىك دايارلىق سالاسىنداعى قىزمەتتەر كولەمى 158,7 ملرد تەڭگەگە, جوعارى ءبىلىم بەرۋ سالاسىندا 110,2 ملرد تەڭگەگە جەتكەن.
وڭىرلىك بولىنىستە قىزمەتتەردىڭ ەڭ كوپ كولەمى الماتىدا بايقالعان (113,1 ملرد تەڭگە), وتكەن جىلعا قاراعاندا 16,6 پايىزعا كوپ. سونداي-اق استانا (98,8 ملرد تەڭگە, جىلىنا 61,3 پايىز) مەن تۇركىستان وبلىسى دا (98,7 ملرد تەڭگە, 29,1 پايىز) ۇشتىككە كىردى.
سەكتورداعى قىزمەتتەردىڭ ەڭ از كورسەتكىشى ۇلىتاۋ, اباي جانە سولتۇستىك قازاقستان وبلىستارىنا تيەسىلى.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى
