بۇگىن باياناۋىلدا پاۆلودار وبلىسىنىڭ اكىمى اسايىن بايحانوۆ اۋداننىڭ جاڭا باسشىسىن تانىستىردى. ايماق باسشىسى سەرىك باتىرعوجينوۆكە باياناۋىل اۋدانىنىڭ اكىمى لاۋازىمىنداعى جۇمىسى ءۇشىن العىسىن ءبىلدىردى. ال جاڭا اكىم ارداق كءىسەنتاەۆقا جۇمىستا تابىس تىلەپ, ونىڭ الدىنداعى باستى مىندەتتەردى بەلگىلەدى.
اۋداننىڭ جاڭا اكىمى ەلدى مەكەندەردى سۋمەن جابدىقتاۋ بويىنشا جوبالاردى جالعاستىرىپ, جولدار مەن ينجەنەرلىك ينفراقۇرىلىمدى جوندەۋگە نازار اۋدارىپ, جاڭا تۋريستىك ماۋسىمعا دايىندىقتى باستاۋى ءتيىس. ءوڭىر باسشىسى بۇل جۇمىستاردىڭ باعاسىن تۇرعىندار بەرۋى ءتيىس ەكەنىن, ول ءۇشىن اۋدان تۇرعىندارىمەن تۇراقتى جانە ءتيىمدى ديالوگ ورناتۋ قاجەتتىگىن اتاپ ءوتتى.
ارداق كءىسەنتاەۆ 1981 جىلى پاۆلودار وبلىسى باياناۋىل اۋدانى ق. ساتباەۆ اتىنداعى اۋىلدا دۇنيەگە كەلگەن. ەكى جوعارى ءبىلءىمى بار.
ەڭبەك جولىن 2005 جىلى باياناۋىل مەملەكەتتىك ۇلتتىق تابيعي پاركىندە باستاعان. 2011 جىلدان باستاپ مەملەكەتتىك قىزمەتتە. 2011-2022 جىلدارى «قاراتومار اۋىلدىق وكرۋگى اكىمىنىڭ اپپاراتى» مم-دە ءارتۇرلى لاۋازىمداردا جۇمىس ىستەدى(جەتەكشى مامان, باس مامان, اۋىلدىق وكرۋگ اكىمى). 2022 جىلدىڭ قىركۇيەگىنەن باستاپ قازىرگى ۋاقىتقا دەيىن باياناۋىل اۋدانى اكىمىنىڭ ورىنباسارى قىزمەتىن اتقاردى.
اتاپ وتەرلىگى, مەملەكەتتىك قىزمەتتە ۇزاق جىلدار ەڭبەكتەنىپ كەلە جاتقان سەرىك باتىرعوجينوۆ پاۆلودار وبلىسى اكىمىنىڭ ورىنباسارى قىزمەتىنە اۋىستى. ول ونەركاسىپ, اۋىلشارۋاشىلىعى, كاسىپكەرلىك جانە ينۆەستيتسيالار, جەر قاتىناستارى, جەر قويناۋىن پايدالانۋ, قورشاعان ورتانى قورعاۋ, ۆەتەريناريا جانە تۋريزم سالالارىنا جەتەكشىلىك ەتەتىن بولادى.
