اتالعان ءىس-شاراعا ءوڭىردىڭ زيالى قاۋىم وكىلدەرى جانە م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ وقىتۋشى-پروفەسسورلارى قاتىسىپ, كوكەيدە جۇرگەن ويلارىن ورتاعا سالدى. قىسقاسى, كىتاپحانا قىزمەتكەرلەرى اكتسيا اياسىندا كەڭەس وداعىنىڭ باتىرى, ەكىنشى دۇنيەجۇزىلىك سوعىستىڭ داڭقتى جاۋىنگەرى باۋىرجان مومىش ۇلىنىڭ شىعارمالارى ناسيحاتتالاتىنىن تىلگە تيەك ەتتى.
ءىس-شارا بارىسىندا ءسوز العان جازۋشى-دراماتۋرگ ەلەن ءالىمجان, «دۋلاتيتانۋ» عىلىمي-زەرتتەۋ ورتالىعىنىڭ ديرەكتورى سامەن قۇلباراق, وزگە دە ازاماتتار باتىر شىعارماشىلىعىن ناسيحاتتاۋ كەزىندە بارلىق بۋىن وكىلدەرىن قامتۋدىڭ ماڭىزى زور ەكەنىن ءسوز ەتتى.
سوڭىنان اتالمىش كىتاپحانانىڭ قىزمەتكەرلەرى باۋىرجان مومىش ۇلىنىڭ «ۇشقان ۇيا», «قانمەن جازىلعان كىتاپ», «ارپالىس» سەكىلدى وزگە دە شىعارمالارىنا بيبليوگرافيالىق شولۋ جاساپ, ءىس-شاراعا بەلسەنە قاتىسقان مەيماندارعا ريزاشىلىعىن جەتكىزدى.
تاراز
