ايشولپانعا مەيىرلەنگەن مايتە

ءبىزدىڭ ايتپاعىمىز بۇل ەمەس. اتالعان ءفيلمنىڭ باستى كەيىپ­كەرلەرىنىڭ ءبىرى – ۇشقىش ترۋدي چاكون ءرولىن سومداعان مايتە مي­­شەل رودريگەستىڭ (Mayte Michelle Rodriguez) قازاقتىڭ ءومىر-سال­تىنا قاتىستىلىعى تۋرا­لى.

بۇل ءارتىس 2014 جىلى قازان ايىنىڭ ورتاسىندا موڭ­عو­لياعا, سونىڭ ىشىندە قازاقتار قونىستانعان باي-ولكە اي­ما­عىنا كەلىپ, بۇل ولكەدە جىل سايىن ءدال وسى ۋاقىتتا وتەتىن «بۇر­كىتشىلەر فەستيۆالىن» تا­ما­شالاعان ەكەن.

وسى ساپارىندا العان اسەرى جايىندا مايتە ميشەل 2014 جىلى 12 قازان كۇنى ءوزىنىڭ تۆيتتەر پاراقشاسىنا پىكىر جازىپ, تانىمال قۇسبەگى ايشولپان مەن ونىڭ اكەسى نۇرعايىپپەن بىرگە تۇسكەن فوتوسىن جاريالاپتى.

ءدال وسى جولعى بۇركىتشىلەر سايىسىندا ايشولپان جەڭىسكە جەتىپ باس بايگەنى جەڭىپ العانىن كورگەن گولليۆۋد جۇلدىزى ونى ءوزى كەلىپ قۇتتىقتاپتى. سونداي-اق 2015 جىلى 12 قاڭتاردا امەري­­­كالىق ءبىر باسىلىمعا بەر­گەن كەزەكتى سۇحباتىندا:

«...مەن ءۇشىن بۇركىتشىلەر وتبا­سىنان شىق­­­قان 13 جاستاعى كىش­كەنتاي قىز­­­دىڭ جەڭىسكە جەتكەنىن كورۋ عانيبەت بولدى. ول 40-50 جاستاعى ەرلەردىڭ ءبارىن ارتقا تاس­تاپ, فەستيۆالدىڭ باس بۇركىت­شىسى اتاندى. تاڭدانارلىق دۇنيە – مۇسىلمان وتباسىنىڭ وتاعاسى ءوزىنىڭ جاس قىزىنا قۇسبەگىلىك ونەردى ۇيرەتۋى» دەگەن ەكەن.

وسى تۇستا ayan travel (www.toursmongolia.com) اتتى اعىل­شىن ءتىلدى سايت «ميشەل رودريگەس موڭعوليادا وتكەن «ال­تىن بۇركىت» اڭشىلىق فەس­تيۆالىندە» (Michelle Rodriguez in Mongolia for Golden Eagle Hunting Festival) دەگەن تاقىرىپپەن ونىڭ مولتەك سۇحباتىن جاريالاپتى. وسى شاعىن اڭگىمە بارىسىندا ميشەل رودريگەس: «مەنىڭ ناعىز گەنەتيكالىق شىعۋ تەگىم – موڭعولويد. اتا-بابالارىم وسى دالادان امەريكاعا مىڭداعان جىل بۇرىن الياسكا ارقىلى قو­نىس اۋدارعان ەكەن. مەن بۇل قۇ­پيانى National Geographic زەرتتەۋ ورتالىعىندا دنق سىناماسىنان وتكەن كەزدە ءبىل­دىم» دەپتى.

«اۆاتار» ءارتىسىنىڭ نازارىن اۋدارعان ايشولپان قازىر الماتى قالاسىنداعى سۇلەي­مان دەميرەل اتىنداعى ۋنيۆەر­سيتەتتىنىڭ 3-كۋرس ستۋدەنتى.