وسىلاردىڭ ىشىندەگى ەرەكشە باستامالاردىڭ ءبىرى – زاماناۋي Arduino تەحنولوگياسى ارقىلى جاسالاتىن «Smart بوتانيكالىق باعى» جوباسى. جاس عالىم, ۋنيۆەرسيتەتتىڭ اعا وقىتۋشىسى دارحان ورىنبەكوۆتىڭ ايتۋىنشا, باقتا وسىمدىك توپىراعىنداعى ىلعالدىلىقتى انىقتايتىن قۇرىلعى ورناتىلادى.
– ونداعى كورسەتكىشتەر ارقىلى باق اۆتوماتتى تۇردە تاۋلىك ىشىندە ءبىر مارتە 10-15 مينۋت سۋارىلادى. بۇل وسىمدىكتىڭ تۇرىنە دە بايلانىستى, – دەدى گرانت يەگەرى.
ال «ارحەولوگيا جانە ەتنوگرافيا» ورتالىعىنىڭ عىلىمي قىزمەتكەرى, PhD يسلام قۇرمانيازوۆ ەجەلگى اساناس, قىشقالا, ارال-اسار ەسكەرتكىشتەرىنەن تابىلعان وستەولوگيالىق ماتەريالداردى عىلىمي تۇرعىدان تالداپ, ورتاعاسىرلىق كەزەڭدەگى جانۋارلار الەمى مەن وسىمدىكتەر دۇنيەسىن زەرتتەۋدى قولعا الماق. «مادەنيەتتانۋ» ماماندىعى بويىنشا فيلوسوفيا دوكتورى جارقىنبەك ابىكەنوۆ وڭتۇستىك ءوڭىر تۇرعىندارىنىڭ كوممۋنيكاتسيالىق مادەنيەتىندەگى ۇدەرىستەردى زەرتتەۋمەن اينالىسادى. عالىم قىزىلوردا, تۇركىستان, جامبىل, جەتىسۋ, الماتى وبلىستارى مەن الماتى, شىمكەنت قالالارى تۇرعىندارىنىڭ كوممۋنيكاتسيالىق داعدىلارىن نازارعا الۋدى جوسپارلاۋدا.
گرانتتىق جوبالاردى ىرىكتەۋدە جوبا تاقىرىبىنىڭ ماڭىزدىلىعىنا, اشىقتىعىنا, وزەكتەلىگىنە ەرەكشە باسىمدىق بەرىلدى.
قازاق حالىق پەداگوگيكاسىنداعى دەنە شىنىقتىرۋ داستۇرلەرىن تەرەڭ زەرتتەپ, ستۋدەنتتەردى پاتريوتتىق تۇرعىدان تاربيەلەۋگە باعىتتالعان PhD تالانت بيماحانوۆتىڭ جوباسى دا كونكۋرستا قولداۋ تاپتى. پەداگوگيكا عىلىمدارىنىڭ ماگيسترى, اعا وقىتۋشى ەربول بەكىش XIX عاسىردىڭ ەكىنشى جارتىسى مەن XX عاسىردىڭ باسىنداعى قازاقتىڭ رۋحاني جانە زايىرلى ينتەلليگەنتسياسىنىڭ اعارتۋشىلىق-پەداگوگيكالىق قىزمەتىن زەرتتەمەك.
كونكۋرستا باستاۋىش, ورتا جانە جوعارى مەكتەپ مۇعالىمدەرىنە ارنالعان پسيحولوگيالىق-پەداگوگيكالىق تەرميندەردىڭ گلوسساريىن ءۇش تىلدە ازىرلەۋگە ارنالعان جاننا ىزتىلەۋوۆانىڭ جوباسى دا قولداۋعا يە بولدى.
جاستار جىل سوڭىنا دەيىن زەرتتەۋ جۇرگىزىپ, رەسپۋبليكالىق جانە حالىقارالىق عىلىمي باسىلىمدارعا ماقالالار جاريالايدى. ۇزدىك شىققان 6 جوباعا 10 ملن تەڭگەلىك سەرتيفيكات تابىستالدى. ءداستۇرلى كونكۋرس اياسىندا بىلتىر 4 جوبا ۋنيۆەرسيتەت گرانتىن يەلەنگەن بولاتىن. مۇنداي قولداۋ جاستاردىڭ عىلىمعا دەگەن قىزىعۋشىلىعىن ارتتىرىپ, جاڭا جوبالاردىڭ جۇزەگە اسۋىنا جول اشپاق.
قىزىلوردا وبلىسى
