قاراعاندىدا توتەنشە جاعداي ورىن الدى. 16 قاباتتى تۇرعىن ءۇيدىڭ 8-ءشى قاباتىندا گاز جارىلدى.
قۇتقارۋشىلار تۇرعىنداردى ەۆاكۋاتسيالاۋ جۇمىستارىن جۇرگىزىپ جاتىر.
اپات ورنىنا وبلىس اكىمى ەرماعانبەت بولەكپاەۆ باردى.
«وقيعا ورنىنا قاراعاندى وبلىسى تجد, جەدەل-قۇتقارۋ جاساعىنىڭ, اپاتتار مەديتسيناسى ورتالىعىنىڭ 50 ادامى مەن 12 بىرلىك تەحنيكا جىبەرىلدى», دەپ حابارلادى وبلىستىق تجد ءباسپاسوز قىزمەتى.
جالىن ساعات 22:37-دە وقشاۋلاندى. الدىن الا اقپارات بويىنشا, جارىلىس بولعان پاتەردە ءۇش ادامنىڭ دەنەسى تابىلدى. تاعى ءبىر جابىرلەنۋشى اۋرۋحاناعا جاتقىزىلدى.
ەۆاكۋاتسيالانعان تۇرعىنداردى جىلىتۋ ءۇشىن وبلىستىق توتەنشە جاعدايلار دەپارتامەنتى 3 ۆاحتالىق اۆتوبۋس جىبەردى.
