ۇلتتىق نەيروحيرۋرگيا ورتالىعىندا جۇزەگە اسىرىلعان بىرەگەي جوبالاردىڭ ءبىرى – ومىرتقا سۇيەگىن 3D باسىپ شىعارۋ تەحنولوگياسى بويىنشا جەكە مودەلدەنگەن يمپلانتقا اۋىستىرۋ. نەيروحيرۋرگيالىق پراكتيكادا العاش رەت «Ghalam» جشس عارىشتىق ۇشۋ اپپاراتتارىن وندىرۋشىلەرىمەن بىرلەسىپ ناۋقاسقا جەكە 3D باسىپ شىعارۋ ارقىلى يمپلانت جاسالدى. گەرمانيانىڭ ۋلم قالاسىنداعى تراۆماتولوگيا جانە بيومەحانيكا ينستيتۋتىندا يمپلانتتارعا بيومەحانيكالىق تەستىلەۋ جۇرگىزىلدى.
قازاقستان نەيروحيرۋرگيا ورتالىعىندا ءتورت سىرقاتقا دەربەس 3D يمپلانتتى قولدانا وتىرىپ, ومىرتقا دەنەلەرىن اۋىستىرۋ وپەراتسياسى ءساتتى ورىندالدى.
ۇنو دارىگەرلەرى مانيپۋلياتسيا جۇرگىزۋ كەزىندە كومپرەماتسييالىق اسەرسىز جۇلىننىڭ اناتوميالىق جانە فۋنكتسيونالدىق ماڭىزدى قۇرىلىمدارىن ساقتاۋعا مۇمكىندىك بەرەتىن ومىرتقانى اۋىستىرۋدىڭ ارنايى قۇرىلعىسى مەن ءادىسىن ازىرلەدى.
پاتسيەنتتەردى ءبىر جىل بويى باقىلاۋ اياسىندا يمپلانتقا بايلانىستى اسقىنۋلار انىقتالعان جوق, ءومىر ساپاسىنىڭ كورسەتكىشتەرى اۋرۋ باستالعانعا دەيىنگى دەڭگەيگە كەلدى.
وسى عىلىمي جوبانىڭ قورىتىندىلارى 2-دەن جوعارى يمپاكت-فاكتورى بار بەدەلدى حالىقارالىق رەتسەنزيالاناتىن جۋرنالداردا جاريالاندى, سونداي-اق مونوگرافيا جارىق كوردى.
ۇلتتىق نەيروحيرۋرگيا ورتالىعىنىڭ قىزمەتى بارىسىندا بارلىعى 7 عىلىمي جوبا, ىسكە اسىرۋ ساتىسىندا تاعى 3 جوبا ورىندالدى. ورتالىق قىزمەتكەرلەرى ونەرتابىستىڭ 10 پاتەنتىنە يە بولدى.
