Finprom دەرەكتەرىنە قاراعاندا, وڭىرلەر بويىنشا ەڭ كوپ تابىس ەلوردا تۇرعىندارىنا تيەسىلى: جان باسىنا شاققاندا ورتاشا ەسەپپەن 339 مىڭ تەڭگە - ءبىر جىل بۇرىنعىدان 15,7% ارتىق.
ەكىنشى ورىنعا قاراعاندى وبلىسى جايعاستى: 332,3 مىڭ تەڭگە, 21,4%-عا وسكەن. ۇزدىك ۇشتىككە شىعىس قازاقستان وبلىسى كىردى: 312,7 مىڭ تەڭگە, جىلدىق ءوسىم - 31,8%.
انىقتالعانداي, ەڭ تومەنگى تابىس تۇركىستان وبلىسىنىڭ تۇرعىندارىندا: جان باسىنا شاققاندا نەبارى 156,4 مىڭ تەڭگە, بۇل ءبىر جىل بۇرىنعىدان 15,6% كوپ.
قازاقستاندىقتاردىڭ 76,3%-ى تابىسىنىڭ باسىم بولىگىن ەڭبەك قىزمەتىنەن تاپتى: 180,4 مىڭ تەڭگە - ءبىر جىل بۇرىنعىدان 21,9% ارتىق. ونىڭ 157,2 مىڭ تەڭگەسى - جالدامالى جۇمىس ىستەۋدەن, 23,2 مىڭ تەڭگەسى - ءوزىن-ءوزى جۇمىسپەن قامتۋدان جانە كاسىپكەرلىك قىزمەتتەن تۇسكەن كىرىستەر.
الەۋمەتتىك اۋدارىمدار ءبىر جىلدا 3,3% عانا ءوسىپ, 55,1 مىڭ تەڭگەنى قۇراعان. ونىڭ 44,8 مىڭ تەڭگەسى زەينەتاقى, 9,1 مىڭ تەڭگەسى جاردەماقى, 1 مىڭ تەڭگەسى شاكىرتاقى, 239 تەڭگەسى ااك جانە تۇرعىن ءۇي كومەگى بولدى.
سونداي-اق تۋىستار مەن جاقىنداردىڭ ماتەريالدىق كومەگى, اليمەنت تولەمدەرى 6,2%-عا ءوسىپ, 5,5 مىڭ تەڭگەنى قۇرادى.
