«بيىلعى جىلدىڭ 5 قاڭتارىنداعى مالىمەت بويىنشا, استانا قالاسىندا 359,5 ملرد تەڭگەگە 23 130 نەسيە بەرىلگەن. ال الماتىدا 199,7 ملرد تەڭگەگە 13 055 نەسيە بەرىلدى. شىمكەنت قالاسىندا 60,9 ملرد تەڭگەگە 5 034 نەسيە بەرىلگەن», دەپ حابارلادى ۇلتتىق بانكتىڭ ءباسپاسوز قىزمەتى.
ەسكە سالايىق, 2022 جىلدىڭ جەلتوقسان ايىندا ەلىمىزدە «7-20-25» باعدارلاماسىن جالعاستىرۋ جوسپارلانىپ وتىرعانى حابارلانعان ەدى.
«مەملەكەت باسشىسىنىڭ سايلاۋالدى تۇعىرناماسىندا كورسەتىلگەندەي, قازاقستاندا «7-20-25» باعدارلاماسىن جالعاستىرۋ جوسپاردا بار, بىراق تولىق اقپاراتتى ۇلتتىق بانكتەن العان دۇرىس دەپ ويلايمىن», دەدى يندۋستريا ۆيتسە-ءمينيسترى ەركەبۇلان داۋىلباەۆ.
