ءىس-شاراعا قادىر مىرزا ءالى اتىنداعى مادەنيەت جانە ونەر ورتالىعىنىڭ جەتەكشىسى, اقىن باۋىرجان حاليوللا, قادىر مىرزا ءالى اتىنداعى قوردىڭ ديرەكتورى, ءانشى-سازگەر دونەدىل قاجىموۆ, ارداگەر-ۇستاز ۇزىلدىك ەلەۋباەۆا, ورال قالاسى اكىمىنىڭ ورىنباسارى ميربولات نۇرجانوۆ, ورال قالالىق ءبىلىم ءبولىمىنىڭ باسشىسى اقجارقىن تەمىرحانوۆالار قاتىستى.
مەكتەپ ديرەكتورى نۇرلان ساتتىقوۆتىڭ ايتۋىنشا, ءبىلىم ورداسىنىڭ شاكىرتتەرى اقىن ەسىمىن ماقتانىش تۇتىپ, ولەڭدەرىن جاتقا ايتادى. مەكتەپتە قادىرتانۋ فاكۋلتاتيۆتىك ساباعى سىناقتان وتۋدە. بولاشاقتا ول ساباق بۇكىل قالا مەكتەپتەرىنە تاراتىلماق.
قادىر اقىن – شىن مانىندە ەڭكەيگەن كارىدەن ەڭبەكتەگەن بالاعا دەيىن تانىمال بولعان قالامگەر. ءابىش كەكىلباي ايتقانداي, «قادىردىڭ ءوزىن بىلمەسە دە, ءسوزىن بىلمەيتىن قازاق جوق». ادەبيەتتىڭ ءار سالاسىندا جەمىستى ەڭبەك ەتكەن قادىر بالالار ادەبيەتىنە دە ولشەۋسىز ۇلەس قوستى. مەكتەپ وقۋشىلارى ونىڭ تالاي جىرىن جاتقا ايتاتىنى سوندىقتان.
ەرەكشە وقيعا – مەكتەپ عيماراتىندا قادىر اقىننىڭ بارەلەف بەينەمۇسىنى ورناتىلعانى بولدى. ەندى مەكتەپ تابالدىرىعىن اتتاعان ءار شاكىرتتى, ءاربىر جاندى قادىر اقىننىڭ ويلى ءجۇزى قارسى الاتىن بولادى.
بۇگىندە باتىس قازاقستان وبلىسىنىڭ وزىندە ءۇش مەكتەپكە قادىر مىرزا ءالىنىڭ ەسىمى بەرىلگەن. ودان بولەك, استانا قالاسىندا ەكى مەكتەپ, اتىراۋ وبلىسىندا ءبىر ءبىلىم ورداسى اقىن اتىن يەلەنگەنى بەلگىلى بولدى. نۇرلان ساتتىقوۆ بولاشاقتا قادىر اتىن يەلەنگەن مەكتەپتەر ءوزارا بايلانىس ورناتىپ, ورتاق باستامالاردى قولعا الۋ مۇمكىندىگىن ايتتى.
باتىس قازاقستان
