ونىڭ ىشىندە زارداپ شەككەن 6 كامەلەتكە تولماعان بالا بار. مىسالى, ەلوردادا 1 قاڭتاردا تۇندە ءۇيدىڭ اۋلاسىندا ەر ادامدى ەكى كامەلەتكە تولماعان بالاسىمەن بىرگە وتشاشۋدى قولدانعان كەزدە كۇيىك شالعان. تاعى ءبىر وقيعا استانادا ناجىمەدەنوۆ كوشەسىندە تىركەلدى. پيروتەحنيكانى دۇرىس قولدانباۋ سالدارىنان بالكون ورتەنىپ كەتتى. زارداپ شەككەندەر جوق.
ىشكى ىستەر مينيسترلىگى 25 جەلتوقسان مەن 3 قاڭتار ارالىعىندا رەسپۋبليكا بويىنشا «پيروتەحنيكا» جەدەل-پروفيلاكتيكالىق ءىس-شاراسىن وتكىزگەنىن اتاپ وتكەن ءجون. ماقساتى – جاڭا جىلدىق مەرەكە قارساڭىندا قوعامدىق قاۋىپسىزدىكتى قاداعالاۋ. وسى كۇندەرى پوليتسەيلەر مەن توتەنشە جاعدايلار دەپارتامەنتى قىزمەتكەرلەرى جەكە جانە زاڭدى تۇلعالاردىڭ ازاماتتىق پيروتەحنيكالاردىڭ اينالىمىنا جانە ونىڭ قاۋىپسىزدىك ەرەجەلەرىن ساقتاۋىنا قاداعالاۋ جۇمىستارىن جۇرگىزدى. ماسەلەن, پيروتەحنيكالىق بۇيىمداردى ساتۋ ەرەجەلەرىن بۇزعانى ءۇشىن 842 ادام اكىمشىلىك جاۋاپكەرشىلىككە تارتىلدى, ونىڭ ىشىندە اقبتك-ءنىڭ 196-بابى (زاڭسىز ساۋدا) بويىنشا – 829, 436-باپ بويىنشا (بولىنبەگەن ورىنداردا قولدانۋ) – 11, 483-باپ بويىنشا (ساقتاۋ جانە تاسىمالداۋ ءتارتىبىن بۇزۋ) – 2 ادام. جالپى, جەدەل-پروفيلاكتيكالىق ءىس-شاراسىنىڭ ناتيجەسىندە بارلىعى 16 400 سەرتيفيكاتتالماعان پيروتەحنيكالىق ءونىم تاركىلەنگەن.
